Pamiatajecie varjackuju honku ŭ Breście, padčas jakoj zahinuła troje? Na VIDEA z ekšn-kamiery matacyklista vidać, što jon razahnaŭsia da 186 km/h
Zahinuli jon sam, jaho pasažyrka i kiroŭca spadarožnaha mapieda.
Śledčy kamitet skončyŭ rasśledavańnie rezanansnaj avaryi na vulicy Maskoŭskaj u Breście. Vinavatym u śmierci pryznali 40‑hadovaha matacyklista Andreja Čykuna. Ale pakolki jon sam zahinuŭ, to spravu spynili ŭ suviazi ź jaho śmierciu.
Čytajcie: Chto byŭ toj bajkier, jaki spravakavaŭ śmiarotnuju honku pa vulicach Bresta, u jakoj zahinuli troje — u tym liku i jon sam
Nahadajem, avaryja adbyłasia pozna ŭviečary 31 lipienia.
40‑hadovy matacyklist Andrej Čykun jechaŭ z 31‑hadovaj pasažyrkaj Marynaj za śpinaj pa vulicy Maskoŭskaj u Breście. Jon haniaŭsia z aŭtamabilem Audi i jašče adnym matacykłam — ich kiroŭcaŭ u vyniku pakarali ŭ administracyjnym paradku.
A voś Čykun urešcie ŭrezaŭsia ŭ spadarožny mapied Viper. Zahinuli ŭsie troje — i sam Čykun, i jaho pasažyrka, i 45‑hadovy kiroŭca mapieda Vadzim Litvinčuk.
Na hetym učastku darohi dazvolena jechać nie chutčej za 70 km/h. Śledčyja źniali z matacykła ekšn-kamieru. Pavodle jaje zapisu, za 800 mietraŭ da miesca sutyknieńnia matacykł jechaŭ z chutkaściu 186 km/h.
Śledčyja vyvučyli i sacsietki Čykuna. Tam znajšli videa, dzie jon razhaniajecca na darohach ahulnaha karystańnia da 230 km/h.
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»11
Kamientary