«Biełpošta» zapuściła novy ličbavy servis «Bałans», jaki pavinien spraścić atrymańnie hrošaj za pasyłki z nakładzienym płaciažom, paskoryć absłuhoŭvańnie i zrabić raźliki bolš biaśpiečnymi.
Servis pryznačany dla adpraŭnikoŭ pasyłak z nakładzienym płaciažom, kali atrymalnik apłačvaje zakaz u paštovym adździaleńni, a hrošy paśla hetaha pieraličvajucca pradaŭcu. Ciapier adpraŭniku nie abaviazkova prychodzić u adździaleńnie, kab atrymać najaŭnyja: srodki za zakaz mohuć aŭtamatyčna zaličvacca na jaho «Bałans».
Pry afarmleńni pasyłki možna vybrać zručny sposab atrymańnia hrošaj. Pieravod na bankaŭskuju kartku pastupaje adrazu. Akramia taho, z dapamohaj pryład samaabsłuhoŭvańnia QR-box možna apłačvać afarmleńnie i pierasyłku paštovych adpraŭleńniaŭ.
Kab padklučyć servis, nieabchodna zapoŭnić ankietu ŭ asabistym kabiniecie na sajcie abo ŭ mabilnym dadatku «Biełpošty», a zatym adzin raz naviedać luboje paštovaje adździaleńnie z dakumientam, jaki paćviardžaje asobu.
Paśla pryniaćcia ŭmoŭ karystalnickaha pahadnieńnia klijent zmoža kruhłasutačna kiravać srodkami na svaim «Bałansie»: pieravodzić ich na bankaŭskija kartki i apłačvać paštovyja pasłuhi.
U «Biełpošcie» adznačyli, što zapusk novaha servisu — čarhovy etap ličbavaj transfarmacyi pradpryjemstva, jaki pavinien pavysić chutkaść absłuhoŭvańnia, biaśpieku raźlikaŭ i zručnaść dla klijentaŭ.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt5
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary