Studentak biełaruskich VNU abaviazali terminova zapoŭnić ankietu z paznačeńniem svajho rostu
Ankietavańnie pravodzicca Nacyjanalnaj škołaj pryhažości, jakaja rychtuje dziaŭčat u tym liku dla słužby pratakoła Alaksandra Łukašenki. U studentak pytajucca pra rost, siamiejnaje stanovišča, chobi, udzieł u konkursach pryhažości i patrabujuć nazvać akaŭnty ŭ sacsietkach. Pra tych, chto admovicca ad apytańnia, patrabujuć paviedamlać asobna.
Jak vynikaje z paviedamleńnia, razasłanaha ŭ VNU, studentak biełaruskich VNU abaviazvajuć prajści apytańnie ŭ miežach prajekta «Partret biełaruskaj žančyny».
«Apytańnie treba pravieści nie paźniej za 2 kastryčnika. To-bok da kanca pracoŭnaha dnia 2 kastryčnika apytańnie pavinny prajści usie dziaŭčaty», — havorycca ŭ paviedamleńni.
Kuratary kantralujuć prachodžańnie apytańnia i składajuć śpisy tych, chto jaho prajšoŭ. Kali studentka admaŭlajecca, pra heta patrabujuć paviedamlać z ukazańniem pryčyny.
U samoj ankiecie jość punkt pra zhodu na apracoŭku piersanalnych danych. Ale hetaha niedastatkova. Arhanizatary patrabujuć sabrać z udzielnic jašče i asobnyja piśmovyja zhody. Ich formy i ŭzory zapaŭnieńnia pieradali kurataram.
Apytać usich studentak VNU rasparadziłasia namieśnica ministra adukacyi Kaciaryna Piatruckaja.
U ankiecie prosiać paznačyć imia, miesca naradžeńnia i hramadzianstva, datu naradžeńnia i ŭzrost, siamiejnaje stanovišča i taksama, što źviartaje ŭvahu, rost.
Taksama treba paviedamić źviestki pra adukacyju (navučalnuju ŭstanovu, śpiecyjalnaść, kurs i formu navučańnia), vałodańnie zamiežnymi movami i dadatkovuju adukacyju.
Akramia taho, dziaŭčat pytajucca pra chobi, udzieł u konkursach pryhažości i talentaŭ. Taksama prosiać paznačyć klučavyja dasiahnieńni, uznaharody i pryzavyja miescy ŭ vučobie, sporcie i konkursach. Ankieta patrabuje i kantaktnyja danyja: numar mabilnaha telefona i spasyłki abo niki ŭ instahramie, fejsbuku, telehramie, «Ukantakcie», tyktoku, jutubie, rasijskim špijonskim miesiendžary Mach dy inšych sacsietkach.
U formie paznačana, što hetyja źviestki źbirajucca dla «farmavańnia partreta sučasnaj biełaruskaj dziaŭčyny» i buduć apracoŭvacca na praciahu dvanaccaci miesiacaŭ.
«Davajcie zakryjem hetaje pytańnie chutka i bieź niejkich ekscesaŭ», — patrabujuć kuratary ŭniviersiteckich hrup.
«Naša Niva» — bastyjon biełaruščyny
PADTRYMAĆCiapier čytajuć
Kala płoščy Banhałor u Minsku vyras jašče adzin zvyšsakretny abjekt5
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
rost, siamiejnaje stanovišča, chobi, akaŭnty ŭ sacsietkach.
A taksama jakija u Kaciaryny Piatruckaj klučavyja dasiahnieńni, uznaharody.
Jakija ŭ jaje kantaktnyja danyja: numar mabilnaha telefona i spasyłki abo niki ŭ instahramie, fejsbuku, telehramie, «Ukantakcie», tyktoku, jutubie, miesiendžary Maks dy inšych sacsietkach.
Chto jaje muž?