U Ivacevickim rajonie lesavody znajšli redki hryb — ježavik, ci hierycyj karałapadobnny, jaki zaniesieny ŭ Čyrvonuju knihu Biełarusi. Jon atrymaŭ svaju nazvu z-za niezvyčajnaj formy, jakaja nahadvaje marski karał, piša Times.by.
Hryb znajšli śpiecyjalisty siektara achovy lesu Damanaŭskaha lashasa padčas palavych rabot na terytoryi Dabramyslskaha laśnictva. Dakładnyja kaardynaty znachodki nie paviedamlajucca, pakolki heta achoŭny vid. Na miescy ŭžo pastavili fotapastku, kab nazirać za hrybam.
Infarmacyju pra znachodku lesavody pieradali ŭ Ivacevickuju rajonnuju inśpiekcyju pryrodnych resursaŭ i achovy navakolnaha asiarodździa. Hałoŭnaja śpiecyjalistka inśpiekcyi Volha Bielakova paćvierdziła ŭnikalnaść znachodki i adznačyła, što raniej hety vid u Ivacevickim rajonie nie fiksavaŭsia.
Karałapadobny ježavik zvyčajna raście na miortvaj draŭninie liścievych dreŭ, najčaściej duba, asiny, viaza i biarozy. U pryrodzie jon sustrakajecca paasobku abo nievialikimi hrupami.
Maładyja ekzemplary hetaha hryba jadomyja, adnak źbirać ich nielha praz redkaść vidu i jaho achoŭny status. Dalejšaje nazirańnie za miescam znachodki i miery pa jaho achovie buduć pravodzicca ŭ adpaviednaści z pryrodaachoŭnym zakanadaŭstvam.
Deputatka, jakaja rychtuje pryhažuń dla Łukašenki, vyjšła zamuž23
Kamientary
Nazva "iežavIk" - heta prosta poŭnaja kopija z rasiejskaj. Nichto bolš u śviecie tak jaho nie nazyvaje. Tak što pravilna pisać "ion atrymaŭ svaju nazvu tamu što tak haspadary z Maskvy jaho nazyvajuć". Darečy navat na biełaruskich paštovych markach jon byŭ napisany jak "Jažovik", a nie "iežavIk" - ŭžo sami zabłytalisia što ŭ ich jak nyzyvajecca. A biełarusy zavuć jaho siamiroha, barada, baran, duplanka, bułaŭnica, kapusyr, baranieča hałava. A ŭvohule svaju pieršuju nazvu jon atrymaŭ jašče ŭ 1794 hodzie - "zuby miadźviedzia" (bear`s head tooth).
> Dalejšaje nazirańnie za miescam znachodki i miery pa jaho achovie buduć pravodzicca ŭ adpaviednaści z pryrodaachoŭnym zakanadaŭstvam
Voś heta asabliva śmiešna.
[Zredahavana]