Vajna1111

«Usie zastalisia ŭ lesie. Usie zahinuli». Biełarus pajšoŭ vajavać za Rasiju, bo na zavodzie nie było pracy, i trapiŭ u pałon

Biełarus Juryj Baran padpisaŭ kantrakt z rasijskaj armijaj praz adsutnaść pracy na zavodzie. Na froncie jon apynuŭsia ŭ hrupie ź piaci čałaviek, jakoj zahadali prabracca ŭ Liman. Da horada dabraŭsia tolki jon adzin. Pra toje, što adbyłosia dalej, mužčyna raskazaŭ u intervju prajektu «Chaču žyć».

Juryj Baran. Skryn videa: hochunaiti / YouTube

Letam 2026 hoda na Limanskim napramku ŭ Danieckaj vobłaści išli intensiŭnyja bai. Rasijskija vojski sprabavali zachapić Liman, jaki maje važnaje značeńnie dla dalejšaha nastupu na Słaviansk. Jany zasyłali ŭ horad nievialikija hrupy piachoty, sprabujučy zamacavacca na jaho ŭskrainach. Ukrainskija vajskoŭcy paviedamlali pra vialikija straty rasijan padčas takich šturmaŭ.

Prajekt «Chaču žyć» parazmaŭlaŭ z vajskoŭcami 20‑j i 25‑j ahulnavajskovych armij Rasii, jakija trapili va ŭkrainski pałon padčas bajoŭ na hetym napramku. Siarod ich — biełarus Juryj Baran.

Svajo rašeńnie padpisać kantrakt z rasijskim vojskam mužčyna tłumačyć tym, što na zavodzie, dzie jon pracavaŭ, nie było pracy. Što heta za pradpryjemstva, Baran nie ŭdakładniaje.

Pra ŭmovy na froncie biełarus zhadvaje najpierš u suviazi z prablemami zabieśpiačeńnia.

«Leta było haračaje. Vady katastrafična nie chapała. Usie kryčali: «Vady, vady, vady», — raskazvaje jon.

U pałon biełarus trapiŭ niepasredna ŭ Limanie. Pavodle jaho słoŭ, jahonaj hrupie ź piaci čałaviek pastavili zadaču prabracca ŭ horad i tam dačakacca inšaj hrupy. Kab mienš ryzykavać, jany vyrašyli ruchacca pa adnym. Biełarus pajšoŭ pieršym.

«Ja zajšoŭ u horad Liman i ŭžo siadzieŭ, čakaŭ asnoŭnuju hrupu. Hrupa da mianie nie dajšła. Usie ŭ lesie zastalisia. Usie zahinuli», — zhadvaje Baran.

Pra hibiel tavaryšaŭ jon daviedaŭsia nie adrazu. Niekatory čas biełarus praciahvaŭ čakać ich u horadzie. Tym časam miesca, dzie jon znachodziŭsia, pačali abstrelvać.

«Pačalisia pryloty dronaŭ, artyleryi, minamiotaŭ z ukrainskaha boku», — raskazvaje mužčyna.

Baran vyrašyŭ pakinuć niebiaśpiečnaje miesca, pierajšoŭ čyhunku i znajšoŭ inšaje schovišča ŭ horadzie. Paźniej, pieramiaščajučysia pamiž ukryćciami, sutyknuŭsia z ukrainskimi vajskoŭcami.

«Była dziełavaja prapanova: chočaš žyć — zdaješsia, nie chočaš žyć — nie zdaješsia. Nu, vysnova była vidavočnaja».

Pavodle słoŭ Barana, ukrainskija sałdaty pastavilisia da jaho pa-čałaviečy.

«Ježy chapała, karmili. Navat kali kuryš, to cyharetami taksama zabiaśpiečvali».

Svaju historyju biełarus padsumoŭvaje razvahami pra toje, nakolki rasijskija vajskoŭcy ŭvohule razumiejuć, kudy i navošta ich adpraŭlajuć.

«Idu tudy, nie viedaju kudy. Tak, mabyć, bolšaja častka [rasijskich] sałdat i idzie», — zaŭvažaje jon.

Kamientary11

  • bosed
    08.10.2026
    [Red. vydalena]
  • gust
    08.10.2026
    Razumnych baranoŭ naohuł ža niamnoha,
    A hety dyk durniej durnoha...
  • bosed
    08.10.2026
    Tak u nieho na licie napisano, čto on eto on :D

Ciapier čytajuć

Biełaruska hod adpracavała dalnabojščycaj u Jeŭropie. Ciapier sprabuje pastupić u italjanski ŭniviersitet

Biełaruska hod adpracavała dalnabojščycaj u Jeŭropie. Ciapier sprabuje pastupić u italjanski ŭniviersitet

Usie naviny →
Usie naviny

Rasija, Ukraina i ZŠA adnaŭlajuć pieramovy paśla doŭhaj paŭzy. Čaho čakać ad sustrečy ŭ Abu-Dabi?4

Bukieraŭskuju premiju 2026 hoda atrymaŭ fantast M. Džon Charysan za raman «Kaniec usiaho» pra śviet paśla katastrofy

U Minsku pradajuć dom z ułasnym basiejnam, pra jaki možna maryć. Ale cana kusajecca2

U aeraporcie Kalifornii samalot pierakuliŭsia ŭvierch kołami1

Łondan doŭha ličyŭsia stalicaj nažavych napadaŭ. Jak horadu ŭdałosia źbić chvalu hvałtu?12

Paśla samych darahich lekaŭ u śviecie ŭ niekalkich dziaciej vyjavili vypadki raku1

Zamiest meblevaj fabryki ŭ Škłovie zrobiać zavod mietałakanstrukcyj

Stała viadoma, kolki hrošaj siamja chvoraha Brusa Uilisa tracić na jaho dohlad5

Jakim Cichanoŭski bačyć «Abjadnany Ofis»? Zasiadajuć 14 čałaviek, a Cichanoŭskuju praz hod čakajuć vybary83

bolš čytanych navin
bolš łajkanych navin

Biełaruska hod adpracavała dalnabojščycaj u Jeŭropie. Ciapier sprabuje pastupić u italjanski ŭniviersitet

Biełaruska hod adpracavała dalnabojščycaj u Jeŭropie. Ciapier sprabuje pastupić u italjanski ŭniviersitet

Hałoŭnaje
Usie naviny →

Zaŭvaha:

 

 

 

 

Zakryć Paviedamić