Prezident Ukrainy prakamientavaŭ zajavu dziaržsakratara ZŠA Marka Rubia pra stratehičny tupik u vajnie pamiž Ukrainaj i Rasijaj.
«Zaraz my znachodzimsia ŭ stratehičnym tupiku, jaki niasie ŭ sabie ryzyki. Stratehičnyja tupiki vyrašajucca tolki dvuma sposabami: albo šlacham pieramovaŭ, albo šlacham eskałacyi z boku adnaho abo abodvuch bakoŭ, jakaja ŭ vyniku vychodzić za miežy pieršapačatkovaha kanfliktu», — zajaviŭ dziaržsakratar ZŠA Marka Rubia padčas vizitu ŭ Afiny.
Kamientujučy słovy Rubia padčas naviedvańnia žyłoha doma ŭ Pryłukach, u vyniku rasijskaha ŭdaru pa jakim zahinuli 22 čałavieki, prezident Ukrainy zajaviŭ, što dypłamatyčnaha tupiku niama.
Paśla hetaha jon raskrytykavaŭ sproby viarnucca da sumiesnaha biznesu z Maskvoj: «Nielha z adnaho boku damaŭlacca z rasijanami pra niejkija ekanamičnyja prajekty na budučyniu, a z druhoha — kazać, što my znachodzimsia ŭ niejkaj palityčnaj situacyi, u dypłamatyčnym tupiku. Zakryjcie im usiu ekanomiku, zašyjcie Rasii rot, nie padtrymlivajcie ich svaimi prodažami, prosta ŭviadzicie sankcyi suprać ich zbroi. Uklučycie nam Starlink, dla Ukrainy. Vy ž uklučyli jaho, kali adkazvali Iranu, tam usio pracavała, Izrail całkam kantralavaŭ nieba. Heta značyć, kali vam treba, usio pracuje mienavita tak».
Pavodle słoŭ Zialenskaha, ciapier Kitaj aktyŭna raspracoŭvaje anałah Starlink, jaki budzie pieradadzieny Rasii.
«U Rasii moža źjavicca takoje daminavańnie. My razmaŭlajem ź jeŭrapiejcami, jakija taksama raspracoŭvajuć niekalki takich napramkaŭ. Jany z zadavalnieńniem buduć nam dapamahać, ale pakul jašče nie nastolki nablizilisia da vyniku, jaki nam patrebny», — skazaŭ jon.
«My havorym pra abaronu. U ZŠA heta jość. Dla ich heta ničoha nie kaštuje. Ničoha nie kaštuje dapamahčy Ukrainie. I ja adkryta kazaŭ: dajcie nam, dapamažycie nam abaranić nieba i daminavać u im.I tady Pucin siadzie za stoł pieramovaŭ. Čamu? Bo stracić usio. Stracić usio. Try miesiacy, dva miesiacy — usio stracić. A my čakajem, pakul u kitajcaŭ źjavicca hety anałah i jany pieradaduć jaho rasijanam. I dzie tut praŭda? Dzie tut sumlennaść? Dzie ŭsio heta? Jaki tupik? Nu jaki tupik?! Heta nie tupik. Heta nazyvajecca niežadańnie», — zajaviŭ Uładzimir Zialenski.
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5757
Kamientary