Rubia zajaviŭ pra tupik u vajnie pamiž Rasijaj i Ukrainaj i adsutnaść pierśpiektyŭ mirnaha ŭrehulavańnia
Pavodle słovaŭ dziaržsakratara ZŠA, vyjści ź ciapierašniaj situacyi možna albo šlacham pieramovaŭ, albo praz eskałacyju z adnaho ci abodvuch bakoŭ.
Vajna pamiž Rasijaj i Ukrainaj zajšła ŭ «stratehičny tupik», i mahčymaściaŭ zaviaršyć jaje z dapamohaj dypłamatyi pakul nie vidać, zajaviŭ dziaržsakratar ZŠA Marka Rubia ŭ intervju vydańniu Kathimerini padčas vizitu ŭ Afiny, piša Moscow Times.
Pavodle jaho słoŭ, vyjści ź ciapierašniaj situacyi možna albo šlacham pieramovaŭ, albo praz eskałacyju z adnaho ci abodvuch bakoŭ.
«Na dadzieny momant pierśpiektyvy dypłamatyčnaha ŭrehulavańnia nie prahladajucca», pakolki Rasija vyłučaje ŭmovaj poŭny kantrol nad Danbasam, a Ukraina ličyć heta nieprymalnym, adznačyŭ Rubia.
Jon paviedamiŭ, što ZŠA padzialajuć «zaniepakojenaść usiaho śvietu adnosna ryzyki eskałacyi kanfliktu», jakaja ŭ vyniku «moža zakranuć inšyja krainy i pieraraści ŭ bolš maštabnaje supraćstajańnie». Pavodle słoŭ Rubia, «jość vidavočnyja prykmiety» taho, što Pucin «maje namier skarystacca nadychodziačaj zimoj, kab całkam źniščyć enierhietyčnuju sistemu Ukrainy i prymusić jaje kapitulavać». U toj ža čas USU naraścili mahčymaści dla dalokich udaraŭ pa Rasii, adznačyŭ kiraŭnik Dziarždepartamienta. Akramia taho, praciahvajucca ataki na sudny ŭ Čornym mory.
Jon padkreśliŭ, što ZŠA pa-raniejšamu hatovyja adyhryvać kanstruktyŭnuju rolu ŭ pieramoŭnym pracesie, kab spryjać zaklučeńniu mirnaha pahadnieńnia.
«My ŭžo sprabavali zrabić heta raniej, ale pakul hetaja meta zastajecca niedasiažnaj… Hetaja vajna praciahvajecca ŭžo piaty hod, choć pieršapačatkova takoha raźvićcia padziej nichto nie płanavaŭ. Ja nie dumaju, što mienavita tak Pucin ujaŭlaŭ sabie hety kanflikt, tamu padziei pajšli nie pa vyznačanym im scenary», — zaklučyŭ Rubia.
23 vieraśnia ŭ Kramli zajavili, što nie bačać pieradumoŭ dla «vychadu na mirny trek pieramovaŭ» z Kijevam.
«Praciahvajecca militaryzacyja Ukrainy. Jeŭrapiejskija dziaržavy sprabujuć znachodzić usio novyja i novyja hrošy dla zakupki ŭzbrajeńniaŭ. Kijeŭski režym praciahvaje svaju dastatkova terarystyčnuju aktyŭnaść», — adznačyŭ pres-sakratar prezidenta Dźmitryj Piaskoŭ.
U kancy žniŭnia — pačatku vieraśnia z metaj urehulavańnia Maskvu naviedali dyrektar CRU Džon Retklif, a taksama pradstaŭniki Trampa Styŭ Uitkaf i Džared Kušnier, ale, pavodle słoŭ krynic Bloomberg, Pucin nie prademanstravaŭ hatoŭnaści źmiakčyć svaje pazicyi.
U bližejšyja 6 miesiacaŭ Rasija płanuje nanosić udary pa ŭkrainskaj enierhasistemie i ciepłazabieśpiačeńni, kab zrabić žyćcio mirnych hramadzian nievynosnym, a taksama ŭzmacnić hibrydnyja ataki ŭ Jeŭropie dla padryvu padtrymki Kijeva, kazali surazmoŭcy ahienctva.
Pavodle źviestak The New York Times, Pucin zapeŭnivaŭ, što jaho armija «ŭ bližejšyja miesiacy» zachopić uvieś Danbas, jaki pakul kantraluje prykładna na 80%. Kušnier na heta adkazaŭ, što takija ž abiacańni Pucin davaŭ hod tamu, i nie vyklučyŭ, što jašče praz hod Pucin budzie kazać toje ž samaje, raspaviadała krynica vydańnia.
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie4
Kamientary
V nastojaŝieje vriemia Rośsija smohła masštabirovať vojennoje proizvodstvo i nivielirovať tiechnołohičieskoje prieimuŝiestvo Ukrainy v riadie siektorov. I jeśli na načalnych etapach konflikta Ukraina opieriežała RF po vniedrieniju hibkich IT-riešienij i małych dronov, to siehodnia rośsijskij VPK pieriešieł k massovomu vypusku anałohičnych i modiernizirovannych sistiem. Rośsija obładajet značitielno bolšim objemom riesursov, čiem Ukraina, čto javlajetsia jeje hłavnym prieimuŝiestvom v vojnie na istoŝienije i potomu biez oŝutimoj pomoŝi SŠA, ES i NATO - Ukraina miedlenno, krovavo, no proihrajet.