Hramadstva1616

Biełarusu na 100 hadoŭ zabaranili ŭjezd u Rasiju — za ŭdzieł u minskich maršach 2020 hoda

U Biełarusi Maksima Stasieviča, jaki pracavaŭ na Biełym mory ŭ śfiery turyzmu, pakarali tolki ŭ 2026 hodzie — administratyŭkaj, kali ŭsie terminy daŭniny prajšli. A voś u Karelii jaho dziejańni paličyli «pahardlivymi adnosinami da zakanadaŭstva Rasii i Biełarusi».

Stała viadoma pra niezvyčajny vypadak transhraničnych represij u adnosinach biełarusa Maksima Stasieviča, udzielnika pratestaŭ 2020 hoda. Viarchoŭny sud Respubliki Karelija zabaraniŭ jamu zajazdžać u Rasiju da 17 krasavika 2126 hoda. Heta nie abdrukoŭka — biełarusu buduć nie rady na praciahu 100 hadoŭ. Usie apielacyi akazalisia marnymi.

Maksim Stasievič vučyŭsia ŭ Minskim dziaržaŭnym linhvistyčnym univiersitecie pa śpiecyjalnaści «linhvist-vykładčyk». U 2020‑m jon udzielničaŭ u pratestach paśla falsifikacyi vynikaŭ prezidenckich vybaraŭ.

16 žniŭnia 2020 hoda Maksim ź bieł-čyrvona-biełym ściaham išoŭ u kałonie pa praśpiekcie Niezaležnaści ŭ Minsku, jak viadoma z rašeńnia sudu. U Biełarusi jaho nie pryciahvali da adkaznaści, dyj uvohule vyhladała, što pra chłopca zabyli.

U červieni 2021 hoda Stasievič pierajechaŭ u rasijskuju Kareliju. Z červienia 2022‑ha jon pracavaŭ u dziciačym łahiery ŭ Łoŭchskim rajonie respubliki: byŭ važatym, vykładaŭ kinałohiju i marski turyzm. Žyŭ tam ža, u žylli, jakoje davaŭ pracadaŭca. Na pracy jaho charaktaryzavali vyklučna sa stanoŭčaha boku.

Vioska, dzie pracavaŭ biełarus, znachodzicca na ŭźbiarežžy Kandałakšskaha zaliva Biełaha mora. Zamiežnikam tudy možna trapić tolki z asablivym dazvołam FSB. Taki dazvoł u Stasieviča byŭ da 31 śniežnia 2023 hoda, a potym jon jaho nie padaŭžaŭ.

U śniežni 2025 hoda biełarusa zatrymali ŭ Sankt-Pieciarburhu. Akazałasia, što ciapier jon u vyšuku, i Biełaruś choča, kab jaho viarnuli na radzimu. Adnak prakuror Admirałciejskaha rajona Pieciarburha vyrašyŭ, što pakolki ŭdzieł u demanstracyi nie źjaŭlajecca pa rasijskim zakanadaŭstvie kryminalnym złačynstvam, to i vydavać Stasieviča Biełarusi niama patreby. U vyniku chłopca prosta adpuścili.

U krasaviku 2026 hoda Stasieviča zatrymali ŭ karelskaj vioscy Nilmahuba za toje, što jon znachodziŭsia tam biez dazvołu FSB. Jaho aštrafavali, taksama paŭstała pytańnie, ci nie vysłać biełarusa z krainy. Čaściakom za takoje vysyłajuć z Rasii na paru hadoŭ, ale sud vyrašyŭ nie departavać biełarusa. 

A paśla ŭmiašaŭsia Centr pa procidziejańni ekstremizmu MUS Karelii — heta anałah miascovaha HUBAZiKa. Palicejskija vynieśli rašeńnie: zabaranić Stasieviču ŭjezd u Rasiju na 100 hadoŭ. Pryčyna — toje, što biełarus «schavaŭsia ad orhana kryminalnaha pieraśledu na terytoryi Rasii».

Tady biełarusu daviałosia terminova vyrašać pytańni na radzimie — chutčej za ŭsio, dystancyjna. U červieni 2026 hoda Stasievič padaŭ chadajnictva ŭ Zavodski RASK Minska, kab kryminalny pieraśled zamianili administracyjnaj adkaznaściu. U vyniku Stasieviča aštrafavali i kančatkova pieraharnuli hetuju staronku.

Paśla hetaha Pietrazavodski haradski sud Karelii pryznaŭ zabaronu na ŭjezd Stasieviču niezakonnaj. Sud adznačyŭ, što ŭ Rasii Stasievič nie zajmaŭsia ni ekstremisckaj, ni inšaj supraćpraŭnaj dziejnaściu.

Ale palicyja nie zdavałasia i patrabavała ŭsio ž vysłać Stasieviča. Pavodziny Maksima nazvali «pahardlivym staŭleńniem da zakanadaŭstva Rasii i Biełarusi». A jaho ŭdzieł u pratestach u Minsku — «biezumoŭnaj pahrozaj hramadskamu paradku, u tym liku na terytoryi Rasii».

U vyniku Viarchoŭny sud Karelii vykanaŭ patrabavańnie palicejskich. Kančatkovaje rašeńnie — Maksim Stasievič pavinien pakinuć terytoryju Rasii i nie viartacca da 2126 hoda.

«Naša Niva» — bastyjon biełaruščyny

PADTRYMAĆ

Kamientary16

  • Jo
    13.10.2026
    Pahladzicie na jaho, adrazu pa fotkach bačna -niebiaśpiečny elemient i teraryst. Ja ciapier paraŭnajcie sa śvietłymi tvarami kraŭnikoŭ Talibana, katorych Maskva zaprašaje na forumy i tam całujecca ź imi ŭ dziosny.
  • Chryč
    13.10.2026
    Pojediet tiepieŕ v ES! Budiet tam proživať i radovaťsia žiźni.Vo Francii siejčas osobienno chorošo,pusť tuda jediet
  • Słončyk
    13.10.2026
    niejkaja miakina u hałavie, iści z bčb ściaham, a potym jechać u Rasieju, kab tam žyć u viescy. Kali chočaš žyć na ziamli, kali łaska, Viciebščyna, Mahileŭščyna - pustyja vieski, chutary. Treba svaje raźvivać. Jašče i abskardžvaŭ prysud. Ja tudy , navat kali b mnie dapłacili, nie pajechaŭ by

Ciapier čytajuć

U Mahilovie na domie, jaki addali pad rasijskaje pasolstva, zamalavali murał z «Pahoniaj». Choć ekśpiertyza zabaraniała heta rabić13

U Mahilovie na domie, jaki addali pad rasijskaje pasolstva, zamalavali murał z «Pahoniaj». Choć ekśpiertyza zabaraniała heta rabić

Usie naviny →
Usie naviny

Pajšła ŭ likvidacyju biełaruskaja «dačka» brenda New Yorker. Kramy ciapier źniknuć?

«Minsktrans» nie ŭzhadniaŭ novyja rejsy ŭ Polšču i Litvu. Umiašałasia Minhandlu3

Momant zatrymańnia strałka ŭ Krakavie trapiŭ na VIDEA14

Kala Biełaha doma zatrymali vieniesuelca sa zbrojaj. Hałasy nibyta zahadvali jamu zabić Trampa2

Teraryst adkryŭ stralaninu ŭ centry Krakava. Jak minimum šeść čałaviek zahinuli31

Kala biełaruskaj aŭtatrasy zaŭvažyli miadźviedzia na drevie VIDEA2

Paźniak: Toje, što Łukašenka handluje z Rasijaj i Pucinym — narmalnaja sprava89

U Novaj Ziełandyi 43 kity zahinuli, vykinuŭšysia na bierah1

Prybrać z dvaroŭ i vulic aŭtachłam ciapier budzie i praściej, i chutčej1

bolš čytanych navin
bolš łajkanych navin

U Mahilovie na domie, jaki addali pad rasijskaje pasolstva, zamalavali murał z «Pahoniaj». Choć ekśpiertyza zabaraniała heta rabić13

U Mahilovie na domie, jaki addali pad rasijskaje pasolstva, zamalavali murał z «Pahoniaj». Choć ekśpiertyza zabaraniała heta rabić

Hałoŭnaje
Usie naviny →

Zaŭvaha:

 

 

 

 

Zakryć Paviedamić