Marka Rubia patłumačyŭ hetaje rašeńnie tym, što Mižnarodny sud nie pavinien mieć mahčymaści pieraśledavać hramadzian ZŠA, amierykanskich vajskoŭcaŭ i palityčnych lidaraŭ.
Administracyja Donalda Trampa abviaściła pra maštabnyja sankcyi suprać Mižnarodnaha kryminalnaha suda (MKS) u Haazie, piša Bild.
Dziaržaŭny sakratar ZŠA Marka Rubia zajaviŭ, što Vašynhton zabaronić ździajśniać ździełki z sudom, abmiažuje dostup da jaho resursaŭ i pasprabuje istotna ŭskładnić jaho pracu. Sankcyi pavinny ŭstupić u siłu praz šeść miesiacaŭ.
Rubia patłumačyŭ hetaje rašeńnie tym, što Mižnarodny sud nie pavinien mieć mahčymaści pieraśledavać hramadzian ZŠA, amierykanskich vajskoŭcaŭ i palityčnych lidaraŭ. ZŠA nikoli nie dałučalisia da MKS i nie pryznajuć jaho jurysdykcyju ŭ dačynieńni da svaich hramadzian.
Kanflikt pamiž Vašynhtonam i sudom abvastryŭsia paśla vydačy ordera na aryšt premjer-ministra Izraila Bińjamina Nietańjachu.
MKS abvinavačvaje jaho ŭ mierkavanych vajennych złačynstvach i złačynstvach suprać čałaviečnaści ŭ siektary Haza. ZŠA taksama vystupajuć suprać rasśledavańnia mierkavanych złačynstvaŭ amierykanskich vajskoŭcaŭ u Afhanistanie.
Hiermanija, Francyja, Vialikabrytanija, Italija, Niderłandy, Danija, Kanada i Japonija ŭ adkaz na rašeńnie ZŠA sumiesna vystupili ŭ padtrymku niezaležnaści i cełasnaści MKS.
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary
Vidno, pośle vyborov v SŠA, v Iranie i na Palestinskich tierritorijach ožidajutsia bolšije zavaruški..