New York Times: Vašynhton spakušaŭ Rasiju ŭ tym liku vyvadam biełaruskaha kaliju z-pad sankcyj
Naprykancy vieraśnia ZŠA prapanoŭvali Rasii try ekanamičnyja sastupki ŭ abmien na častkovaje spynieńnie ahniu — u enierhietyčnaj śfiery abo na mory. Pra heta paviedamlaje The New York Times. Pavodle infarmacyi vydańnia, ukrainskich čynoŭnikaŭ ździviła, nakolki daloka Vašynhton byŭ hatovy zajści ŭ pieramovach z Maskvoj.
Amierykanskija pieramoŭščyki Džared Kušnier i Styŭ Uitkaf prapanavali razmarozić miljardy dalaraŭ rasijskich dziaržaŭnych aktyvaŭ. Hetyja srodki razhladalisia jak avans za častkovaje pieramirje, a nie jak uznaharoda za vykanańnie damoŭlenaściaŭ.
Druhoj prapanovaj było viartańnie da płana prodažu častki rasijskaj naftavaj kampanii «Łukojł» hrupie inviestaraŭ ź Blizkaha Uschodu. Siarod ich jość ludzi, jakija majuć dziełavyja suviazi z amierykanskimi pieramoŭščykami.
Treciaja prapanova praduhledžvała dazvoł Biełarusi ekspartavać kalijnyja ŭhnajeńni.
Kijeŭ nie adchilaŭ hetyja prapanovy napramuju, ale patrabavaŭ harantyj. Ukrainski bok prapanoŭvaŭ, kab na kožny dalar razmarožanych rasijskich aktyvaŭ Ukraina atrymlivała takuju ž sumu. Inšym varyjantam było abaviazacielstva ZŠA akazać Ukrainie dadatkovuju vajskovuju dapamohu ŭ vypadku parušeńnia pieramirja.
Adnak pieramovy zajšli ŭ tupik. Ukrainskaja delehacyja prylacieła ŭ Majami na sustreču z Kušnieram i Uitkafam, ale ŭ hety čas prezident ZŠA Donald Tramp doŭha razmaŭlaŭ pa telefonie z Uładzimiram Pucinym i abviaściŭ pra damoŭlenaść adnosna pastavak rasijskaha dyzielnaha paliva na amierykanski i suśvietny rynki.
Pavodle infarmacyi vydańnia, Maskva, vidać, nie prapanavała ničoha ŭzamien. Nieŭzabavie pamočnik Pucina Juryj Ušakoŭ zajaviŭ, što rasijskija ŭłady jašče padumajuć, kali adnaŭlać pieramovy.
Były ambasadar ZŠA ŭ Polščy Denieł Fryd u kamientary The New York Times adznačyŭ, što Rasija nie zacikaŭlenaja ŭ dypłamatyi i čakaje bolš vyhadnych prapanoŭ ad Zachadu. Pavodle jaho słoŭ, kali za Rasijaj pačać «biehać», jana budzie tolki čakać, pakul joj prapanujuć jašče bolšyja sastupki.
9 kastryčnika Tramp paśla telefonnaj razmovy z Pucinym damoviŭsia pra pastaŭki sotniaŭ tysiač ton rasijskaha dyzielnaha paliva. Ministerstva finansaŭ ZŠA vydała licenziju, jakaja dazvalaje prodaž i impart rasijskaha dyzielu da 7 krasavika 2027 hoda.
Pavodle infarmacyi vydańnia Axios, damoŭlenaść była dasiahnutaja paśla taho, jak Ukraina admoviłasia spynić udary pa rasijskich naftapierapracoŭčych zavodach. Prezident Ukrainy Uładzimir Zialenski raskrytykavaŭ rašeńnie Vašynhtona, nazvaŭšy jaho słabym.
Kaja Kałas: Ciapier nie čas asłablać cisk na Maskvu, u paniadziełak budzie novy pakiet sankcyj
Tramp: Ukrainie pryjšoŭ čas zavieści novaha prezidenta
Pucin upieršyniu atrymaŭ vinšavańnie z dniom naradžeńnia ad Trampa
ZŠA pahražajuć Ukrainie spynieńniem pieradačy raźviedvalnych danych, kali ŭdary pa rasijskich NPZ praciahnucca
Tramp zajaviŭ, što paśpiachova damoviŭsia z Pucinym pra pastaŭki paliva
Kamientary
Eto žie kakim niedalokim nado byť ?
Na vychodie imiejem tolko usilenije tierrorističieskich udarov russkich po žiłym kvartałam ukrainskich horodov i bolšie - NI-ČIE-HO!
Da jeŝio dajut podzarabotať na vojnu!
Pohovarivajut, čto administracija trampa vitajet v obłakach s idiejej ottianuť RF ot Kitaja za sčiot skarmlivanija putinu Ukrainy i vsieho, postsovietskoho prostranstva v Vostočnoj Jevropie, nie chotiat ni razvała ekonomiki RF, ni potieri vłasti putinym.
Vidać, usie hetyja pieramovy nikoli nie byli pra Biełaruś, a tym bolš pra niejkuju "adlihu". Paru socień ludziej vyzvalili čysta dla pijaru, ale hradus represij mabyć navat uzros.