Biełaruski recydyvist, jaki nidzie nie pracavaŭ, akramia kałonij, pajšoŭ vajavać za Rasiju. Ciapier u pałonie
Siarhiej Razanka pravioŭ u biełaruskich turmach minimum 17 hadoŭ — za niekalki zachodaŭ. Mužčyna pajšoŭ na vajnu, kab zarabić.
Prajekt «Chaču znajści», jaki dapamahaje svajakam rasijskich vajskoŭcaŭ šukać źnikłych bieź viestak, apublikavaŭ videa ź biełarusam Siarhiejem Razankam. 53‑hadovy mužčyna trapiŭ u pałon va Ukrainie.
Kryminalnaja bijahrafija ŭ Razanki vielmi nasyčanaja. Zhodna z sudovymi vypiskami z bazy «Belpol», svoj pieršy vialiki termin jon atrymaŭ jašče ŭ 1995 hodzie. Tady Brescki abłasny sud adpraviŭ jaho za kraty na 10 hadoŭ z kanfiskacyjaj majomaści. Siarod artykułaŭ abvinavačvańnia — rabavańnie i zavałodańnie čužymi hrašyma z prymianieńniem hvałtu. Mužčyna vyjšaŭ na svabodu ŭ 2001 hodzie dziakujučy dźvium amnistyjam.
Ale na voli jon prabyŭ niadoŭha i nieŭzabavie znoŭ pačaŭ vandravać pa papraŭčych ustanovach, bo ŭ 2002‑m ździejśniŭ rabavańnie. Danyja Fondu sacyjalnaj abarony nasielnictva pakazvajuć, što mužčyna adbyvaŭ pakarańnie z 2003 pa 2007 hod u hrodzienskaj turmie №1 i, adpaviedna, pracavaŭ tam ža.
Paźniej, z 2010 pa 2016 hod, jon znachodziŭsia ŭ papraŭčaj kałonii №5 u Ivacevičach, adkul vyzvaliŭsia pa zakančeńni terminu.
Jak mienavita biełarus apynuŭsia na froncie va Ukrainie, dakładna nieviadoma. Imavierna, paśla apošniaha vyzvaleńnia jon źjechaŭ u Rasiju, dzie moh znoŭ trapić za kraty i zavierbavacca ŭ šturmavyja atrady Minabarony ci padpisać kantrakt samastojna, što ŭ vyniku i pryviało jaho ŭ pałon.
«Naša Niva» — bastyjon biełaruščyny
PADTRYMAĆ
Kamientary