Mahiloŭski abłasny Saviet deputataŭ padtrymaŭ prapanovu ab pašyreńni miežaŭ Drybinskaha rajona. Dla hetaha da jaho płanujuć dałučyć častki terytoryj Horackaha, Mahiloŭskaha i Čavuskaha rajonaŭ. Pytańnie abmiarkoŭvałasia na pazačarhovaj 27‑j siesii abłasnoha savieta, piša BiełTA.
Pa słovach načalnicy hałoŭnaha ŭpraŭleńnia ziemleŭparadkavańnia abłvykankama Iryny Pietručeni, paśla źmieny miežaŭ płošča Drybinskaha rajona pavialičycca bolš čym na 20 tysiač hiektaraŭ. Ź ich bolš za 8,5 tysiačy hiektaraŭ buduć zajmać sielskahaspadarčyja ziemli.
Da rajona dałučać 27 nasielenych punktaŭ: dva z Horackaha rajona, siem z Mahiloŭskaha i 18 z Čavuskaha.
Pierad abmierkavańniem prapanovy pracoŭnaja hrupa, jak śćviardžajecca, vyvučała mierkavańni miascovych žycharoŭ. Najbolš ludziej chvalavali pytańni handlu, transpartnych znosin, pracy škoł, dziciačych sadkoŭ i ŭstanoŭ achovy zdaroŭja, žyllova-kamunalnaj haspadarki, a taksama pierarehistracyi.
Staršynia Mahiloŭskaha abłvykankama Anatol Isačanka zajaviŭ, što dla palapšeńnia ekanamičnaj situacyi ŭ Drybinskim rajonie praduhledžany šerah mier. Siarod ich — finansavańnie z abłasnoha biudžetu, stvareńnie spryjalnych umoŭ dla inviestaraŭ, raźvićcio sacyjalnaj śfiery i sielskaj haspadarki, a taksama stvareńnie novych pracoŭnych miescaŭ. Paśla pašyreńnia rajona na jaho buduć raspaŭsiudžvacca lhoty i prefierencyi, jakija dziejničajuć u paŭdniova-ŭschodnich rajonach Mahiloŭskaj vobłaści.
Pa vynikach pasiadžeńnia deputaty vyrašyli nakiravać u Saviet Ministraŭ prajekt prapanovy ab źmianieńni administracyjna-terytaryjalnaha ŭładkavańnia i ŭzbujnieńni Drybinskaha rajona.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy28
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary