U Polščy — dva napadzieńni ŭ škołach za tydzień. U sacsietkach razychodzicca papiaredžańnie pra «kryvavuju piatnicu»
Padletki prychodzili ŭ polskija škoły i ŭčyniali raźniu.
U Polščy apošnimi dniami zdaryłasia niekalki incydentaŭ u škołach. U sieradu ŭ škole ŭ Astralency 19‑hadovy małady čałaviek napaŭ z nažom na dzieviać čałaviek. Na nastupny dzień u nasielenym punkcie Leščydoł-Naviny 15‑hadovy były vučań napaŭ z vostrym pradmietam na prybiralščycu, dyrektara i nastaŭnicu. 37‑hadovaja supracoŭnica škoły pamierła ad atrymanych ranieńniaŭ, piša «Jeŭrańjus».
U čaćvier u sacyjalnych sietkach stali aktyŭna raspaŭsiudžvacca paviedamleńni pra nibyta płanavanyja napady na polskija škoły. Vučni i ich baćki abmieńvalisia skrynšotami i videazapisami z papiaredžańniem pra tak zvanuju «kryvavuju piatnicu», nibyta pryznačanuju na 9 kastryčnika.
Na fonie narastajučaj tryvohi palicyja abviaściła pra dadatkovyja previentyŭnyja miery. Hałoŭny kamiendant palicyi hienierał-inśpiektar Marek Borań paviedamiŭ, što supracoŭniki buduć dziažuryć pablizu navučalnych ustanoŭ užo z ranicy piatnicy.
Borań taksama adznačyŭ, što paśla napadu ŭ Astralency značna ŭzrasła kolkaść paviedamleńniaŭ pra patencyjnyja pahrozy. Akramia taho, jon zaklikaŭ z aściarožnaściu stavicca da raspaŭsiudžvańnia infarmacyi pra nibyta napady, jakija rychtujucca.
Adnoj z pryčyn narastajučaj tryvohi staŭ videazapis, jaki razyšoŭsia ŭ internecie. Pa dadzienych partała Interia, rolik tyčyŭsia nibyta płanavanych napadaŭ na škoły ŭ miežach «kryvavaj piatnicy». Miascovyja ŚMI paviedamlali, što jaho aŭtar pahražaŭ uładkavać «raźniu ŭ Pšasnyšy».
Miascovyja palicejskija chutka zanialisia hetaj spravaj. Jany zatrymali 17‑hadovaha žychara Pšasnyšskaha paviatu, jaki, jak miarkujecca, i źjaŭlajecca aŭtaram videazapisu.
Tryvožnyja paviedamleńni źjavilisia i ŭ inšych nasielenych punktach. U Siarpcy palicyja zatrymała 17‑hadovaha padletka, jaki, pa słovach vidavočcaŭ, havaryŭ pra svoj namier pryčynić kamuści škodu ŭ škole. Pry im vyjavili dva nažy. U hetym vypadku klučavuju rolu adyhrali vučni i nastaŭniki, jakija pieradali palicyi infarmacyju pra jaho pavodziny.
Ułady niekalkich nasielenych punktaŭ Mazavieckaha vajavodstva rasparadzilisia ab častkovym abo poŭnym zakryćci škoł na piatnicu.
-
Słon ź miortvym słanianiom, kajot u San-Francyska, puma na aharodžy… Voś jakija raboty stali sioletnimi pieramožcami konkursu «Fatohraf hoda dzikaj pryrody»
-
Iłan Mask: Starlink nielha vykarystoŭvać dla nastupalnych dziejańniaŭ, a chutkaść i paramietry vajskovych terminałaŭ vyznačajuć Pientahon i Tramp
-
Dla ŭjezdu ŭ Kazachstan biełarusam treba budzie zapytvać propusk za try dni
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary
a budzie jašče horš
Kohda v socsietiach razhoniajut pro «krovavuju piatnicu» v polskich škołach, hdie žie vsie naši ekśpierty po hieopolitikie? Počiemu nikto nie pišiet pro «polskij mir»? Hdie hnievnyje razobłačienija pro hienietičieskuju tiahu k šlachietskim razborkam?
Hdie, v koncie koncov, citaty Čierčilla pro «hijenu Jevropy»? Ili eto druhoje, i polskije podrostki ustraivajut «dvižuchu» isklučitielno iz-za črieźmiernoho upotrieblenija žurieka i flakov?
A nakont Polščy, u jaje hramadstvie nazirajucca taksama chvaravityja naratyvy dy nieluboŭ da inšych (a časam navat i šavinizm).