Vital Kličko prapanavaŭ tym žycharam Kijeva, u jakich jość mahčymaść heta zrabić, vyjechać z horada
Mer Kijeva Vital Kličko ŭ intervju AFP zajaviŭ, što Rasija ŭzmacniaje ŭdary pa stalicy napiaredadni zimy, tamu ciapier pytańnie staić užo pra vyžyvańnie horada, piša «RBK-Ukraina».

Kličko padkreśliŭ, što amal štodnia źjaŭlajucca paviedamleńni pra razburanyja budynki, paranienych i zahinułych ludziej, a intensiŭnaść abstrełaŭ Kijeva pavialičvajecca.
U suviazi z hetym Kličko prapanavaŭ žycharam, jakija majuć svajakoŭ abo siabroŭ za miežami stalicy, razhledzieć mahčymaść časovaha pierajezdu.
Pry hetym jon padkreśliŭ, što nie zaklikaje da poŭnaj evakuacyi horada. Pa słovach kijeŭskaha mera, adjezd usich žycharoŭ jakraz adpaviadaŭ by adnamu z mahčymych scenaryjaŭ, jakich choča Rasija, — kab Kijeŭ zastaŭsia pustym.
Kličko taksama papiaredziŭ, što kali ŭ vyniku rasijskich atak budzie parušanaja praca sistemy vodazabieśpiačeńnia, u stalicy moža ŭźniknuć maštabny kryzis.
Jon adznačyŭ, što navat dobraja padrychtoŭka horada nie harantuje biaśpieki, kali nie budzie efiektyŭna pracavać supraćpavietranaja abarona.
Masiravanyja ŭdary pa enierhietyčnaj infrastruktury Kijeva i vobłaści Rasija adnaviła ŭ kancy vieraśnia. Paśla novych atak u stalicy pačali dziejničać hrafiki adklučeńniaŭ elektraenierhii, a časam enierhietyčnyja słužby vymušanyja ŭvodzić i avaryjnyja adklučeńni.
Kijeŭ uviečary znoŭ byŭ pad atakami, źnikali śviatło i vada. Za dzień va Ukrainie zahinuli jak minimum 25 čałaviek
Rasija naniesła ŭdar balistykaj pa Kijevie: dvoje zahinułych
Rubia pra rasijskija papiaredžańni: Vyrašać, ci biaśpiečna našym dypłamatam znachodzicca ŭ Kijevie, my budziem sami
Učora ŭ vyniku ŭdaraŭ pa Ukrainie zahinuli 36 čałaviek
Były kiraŭnik Google: Rasija zdahaniaje Ukrainu ŭ vajskovych technałohijach, a resursaŭ u jaje našmat bolš. Hałoŭnym vyklikam budzie «Rasśviet»
Sibiha: U dzień naradžeńnia Pucina rasijskija hienierały padnieśli jamu jahony lubimy padarunak
Kamientary