Dacki brend abutku ECCO u Biełarusi faktyčna spyniŭ pracu. Ale peŭnaści niama
Sajt dackaha vytvorcy abutku ECCO u Biełarusi časova niedastupny. Na staroncy-zahłušcy pry hetym paviedamlajecca, što brend praciahvaje pracavać u krainie. Pra heta kampanija taksama paviedamiła klijentam praz SMS-rassyłku, paviedamlaje Office Life.
Na biełaruskim sajcie ECCO havorycca, što ŭ pracy kramy ŭ handlovym centry «Zamak» i sajta ecco-shoes.by adbyvajucca źmieny, tamu internet-krama časova spyniła pracu z 30 vieraśnia 2026 hoda.
Akramia internet-kramy, z 29 vieraśnia pierastała pracavać bonusnaja prahrama ECCO. Pry hetym padarunkavyja karty brenda pa-raniejšamu možna vykarystoŭvać u kramie ŭ HC «Zamak».
Roźničnymi prodažami ECCO u Biełarusi zajmajecca IPTAA «EKKO-BIEŁROS», zarehistravanaje ŭ lutym 2013 hoda. Asnoŭny vid dziejnaści kampanii — roźničny handal abutkam u śpiecyjalizavanych kramach.
U 2014 hodzie ŭ Biełarusi pracavali dzieviać kram ECCO: šeść u Minsku i pa adnoj u Mahilovie, Homieli i Viciebsku. U pačatku 2026 hoda ŭ kampanii zastavałasia piać staličnych kram, paśla čaho jany pastupova pačali zakryvacca. U pačatku vosieni spyniła pracu krama ŭ minskim HZC Dana Mall. Ciapier u Biełarusi zastałasia tolki adna krama ECCO — u handlovym centry «Zamak».
Jašče letam ECCO abviaściŭ rasprodaž usiaho asartymientu abutku. Karystalniki sacyjalnych sietak tady paviedamlali sa spasyłkaj na pradaŭcoŭ, što novych pastavak nie čakajecca.
U žniŭni Office Life źviartaŭsia ŭ kampaniju pa kamientar. Tam adkazali, što ŭ adpaviednaści z karparatyŭnaj palitykaj nie kamientujuć pytańni, źviazanyja z unutranymi biznes-pracesami.
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary