TAA «Ideja doma», jakoje raźvivała sietku rehijanalnych składoŭ-kram «Budni», bankrutuje. Infarmacyja pra heta jość u Adzinym dziaržaŭnym rejestry źviestak ab bankructvie, paviedamlaje Office Life.
Konkursnaja vytvorčaść była pačata z 10 vieraśnia. Patrabavańni kredytoraŭ prymajuć da 21 listapada.
Darečy, kampanija znachodziłasia ŭ stadyi likvidacyi sa śniežnia 2025 hoda.
Jak vynikaje z dakumientaŭ, jaje kredytorskaja zapazyčanaść pieravyšaje 756 tys. rubloŭ, a zapazyčanaść pa padatkach, zborach i inšych abaviazkovych płaciažach — 253 tys. Pry hetym aktyvy kampanii aceńvajucca ŭ 683 539,69 rubla, ale ź ich bolš za 235 tys. — «debitorskaja zapazyčanaść».
«Ideja doma» śpiecyjalizavałasia na ŭciaplalnikach, dachavych i fasadnych materyjałach. Składy-kramy brenda pracavali ŭ Viciebsku, Mazyry, Połacku, Oršy, Śvietłahorsku, Lidzie, Chaciežynie i Baraŭlanach.
Akramia taho, u kampanii byŭ adździeł aptovych prodažaŭ u Minsku i internet-krama budaŭničych materyjałaŭ. Sacyjalnyja sietki brenda nie abnaŭlajucca bolš za hod.
Uviesnu i ŭletku budaŭničyja materyjały na dziasiatki tysiač rubloŭ, a taksama majomaść kampanii trojčy vystaŭlali na aŭkcyjon, ale pieramožca tarhoŭ vyznačany nie byŭ.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary