Viadomyja imiony 266 tysiač rasijskich vajskoŭcaŭ, jakija zahinuli. Realnaja kolkaść u dva i navat dva z pałovaj razy bolšaja, bo pakul pryznanyja zabitymi i viadomyja pajmienna pieravažna tyja, chto zahinuŭ da 2024 hoda.
Bi-bi-si sumiesna z «Miedyjazonaj» i kamandaj vałancioraŭ pa adkrytych danych vyznačyli imiony 266 032 rasijskich vajskoŭcaŭ, jakija zahinuli padčas poŭnamaštabnaha ŭvarvańnia va Ukrainu.
Za apošni miesiac u bazu dadalisia imiony 22 358 zahinułych rasijskich vajskoŭcaŭ. Ale takoje vialikaje papaŭnieńnie nie źviazana niepasredna ź situacyjaj na froncie.
Bolšaja častka niadaŭna dadadzienych imionaŭ, a mienavita 18 657 čałaviek, — heta zahinułyja, jakija doŭhi čas ličylisia źnikłymi bieź viestak i čyje cieły byli znojdzieny hrupami evakuacyi ŭ 2025—2026 hadach. Niekatoryja z hetych sałdat zahinuli jašče ŭ bajach 2022 hoda, ale bolšaść była zabitaja ŭ 2025 hodzie.
Bi-bi-si i «Miedyjazona» pryvodziać nastupny prykład, kali śmierć była zadakumientavana praz 375 dzion paśla źniknieńnia bieź viestak.
Da pačatku poŭnamaštabnaj vajny Rasii z Ukrainaj žychar rasijskaha Noŭharada Jaŭhien Kutlijeŭ vioŭ zvyčajnaje žyćcio. U 2016 hodzie jon byŭ asudžany na vosiem hadoŭ za sprobu zbytu narkotykaŭ.
Znachodziačysia za kratami, skončyŭ prafiesijna-techničnuju vučelniu i atrymaŭ śpiecyjalnaść elektryka. U 2022 hodzie jon vyzvaliŭsia i pajšoŭ pracavać na Vielikałucki zavod elektratechničnaha abstalavańnia. Zatym pracavaŭ stalarom, kupiŭ mašynu ŭ kredyt i časam rabiŭ anłajn-staŭki ŭ bukmiekierskich kantorach.
U 2025 hodzie Jaŭhien padpisaŭ kantrakt z rasijskaj armijaj. U pačatku lipienia jon źnik padčas bajavoha vychadu. Svajaki šukali jaho bolš za hod.
I tolki 17 lipienia 2026 hoda, heta značyć praz 375 dzion paśla dnia jaho śmierci na vajnie, śmierć Jaŭhiena była aformlena dakumientalna i zarehistravana.
Analiz historyj 10 tysiač rasijskich vajskoŭcaŭ, čyje cieły byli znojdzieny hrupami evakuacyi padčas 2025—2026 hadoŭ, pakazaŭ, što ŭ siarednim pareštki znachodzili tolki praz 150 dzion paśla śmierci.
A dakumientalnaja fiksacyja hibieli adbyvałasia jašče paźniej — u siarednim praz 236 dzion.
Dla paraŭnańnia: u 2022 hodzie śmierć rasijskich vajskoŭcaŭ dakumientalna afarmlali ŭ siarednim praz 36 dzion paśla hibieli, a ŭ 2023‑m — praz 25 dzion (danyja na asnovie 30 tysiač praanalizavanych vypadkaŭ).
Usiaho z pačatku 2026 hoda žurnalisty zmahli paćvierdzić śmierć bolš za 90 tysiač rasijskich vajskoŭcaŭ. Ale pry hetym na straty 2026 hoda prypadaje mienš za 10% ad hetaha liku, a ŭsia astatniaja častka paćvierdžanych strat prypadaje na ludziej, jakija zahinuli z 2022‑ha pa 2025 hod.
Ci aznačaje heta, što ciapier rasijskaja armija niasie značna mienšyja straty? Nie. Danyja chutčej kažuć pra toje, što ŭličvać straty stała značna składaniej.
Jakija realnyja ličby strat Rasii na vajnie suprać Ukrainy?
Realnyja straty rasijskaha boku bolšyja za kolkaść zahinułych, imiony jakich udajecca paćvierdzić pa adkrytych krynicach.
Pavodle acenki vajennych ekśpiertaŭ, vyniki analizu rasijskich mohiłak, vajennych miemaryjałaŭ i niekrałohaŭ mohuć achoplivać ad 45% da 55% realnaj kolkaści zahinułych.
Nie pra ŭsie śmierci paviedamlajecca publična. Akramia taho, cieły značnaj kolkaści vajskoŭcaŭ, jakija zahinuli ŭ apošnija miesiacy, da hetaha času zastajucca na poli boju. Sproby ich evakujavać źviazanyja z surjoznaj niebiaśpiekaj dla žyvych — u pieršuju čarhu z-za pahrozy ŭdaraŭ bieśpiłotnikaŭ.
Zychodziačy z acenki ekśpiertaŭ, realnaja kolkaść zahinułych z rasijskaha boku moža składać ad 483 695 da 591 182 čałaviek.
Ahulnaja ličba stanovicca prykmietna vyšejšaj, kali ŭličvać tych, chto vajavaŭ suprać Ukrainy ŭ składzie padraździaleńniaŭ samaabvieščanych DNR i ŁNR, a taksama straty padraździaleńniaŭ Paŭnočnaj Karei, jakija vajavali na terytoryi Kurskaj vobłaści Rasii.
Analiz niekrałohaŭ i publikacyj 2022 hoda pra źnikłych bieź viestak bajcoŭ z ŁNR i DNR dazvalaje mierkavać, što da kanca 2022 hoda zahinuli 21 000—23 500 čałaviek.
Karejskaja słužba Bi-bi-si ŭstanaviła imiony 2304 karejskich sałdat, jakija vajavali na baku rasijskich sił i zahinuli ŭ 2024—2025 hadach.
Takim čynam, pavodle sabranych danych, sukupnyja straty prarasijskich sił mohuć znachodzicca ŭ dyjapazonie ad 506 999 da 616 986 vajskoŭcaŭ.
Ciapier čytajuć
Pad Słuckam padčas nielehalnych honak žonka nakiravała Range Rover u Subaru muža. Ciažka paciarpieli čaćviora1
Pad Słuckam padčas nielehalnych honak žonka nakiravała Range Rover u Subaru muža. Ciažka paciarpieli čaćviora
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary