Azierbajdžan nazvaŭ dezynfarmacyjaj abvinavačańni ŭ špijanažy byłoha kiraŭnika niamieckaj raźviedki
Učora palicyja Hiermanii aryštavała byłoha kiraŭnika źniešniaj raźviedki krainy Aŭhusta Chaninha.
Azierbajdžan adkazaŭ na abvinavačańni ŭ najmańni byłoha kiraŭnika niamieckaj raźviedki dla špijanažu na svaju karyść, nazvaŭšy publikacyi pra heta «dezynfarmacyjnaj apieracyjaj», piša Bi-bi-si.
Rada pa miedyja i viaščańni Azierbajdžana nazvała dezynfarmacyjaj zhadvańnie Azierbajdžana ŭ rasśledavańni, źviazanym z byłym kiraŭnikom Fiederalnaj raźviedvalnaj słužby Hiermanii (BND) Aŭhustam Chaninham.
«Metaj sił, jakija stajać za hetaj dezynfarmacyjnaj apieracyjaj, źjaŭlajecca naniasieńnie škody azierbajdžana-hiermanskim adnosinam», — havorycca ŭ ich zajavie.
6 kastryčnika palicyja Hiermanii aryštavała byłoha kiraŭnika źniešniaj raźviedki krainy Aŭhusta Chaninha i byłoha kiraŭnika jaho aparatu Manfreda D. pa padazreńni ŭ špijanažy i sprobie dziaržaŭnaj zdrady.
Pavodle źviestak prakuratury, Manfred D. pieradavaŭ Chaninhu kanfidencyjnuju infarmacyju, jakuju toj zatym vykarystoŭvaŭ u svajoj pracy ŭ jakaści kansultanta, u tym liku dla supracoŭnikaŭ zamiežnych raźviedak.
Paźniej u toj ža dzień niamieckaje vydańnie Spiegel napisała, što, pavodle jaho krynic, mierkavanym zakazčykam Chaninha byŭ supracoŭnik azierbajdžanskaj raźviedki.
Śledstva nie nazyvaje kankretnuju krainu, ale, pavodle jaho źviestak, Chaninh atrymaŭ ad Manfreda kala 2 tysiač dakumientaŭ dla svaich analityčnych zapisak, jakija jon pisaŭ dla zamiežnaj śpiecsłužby. Nie ŭsie, ale mnohija ź ich byli sakretnymi.
«Ci ŭdałosia pieradać hetyja materyjały adrasatu, pakul vyśvietlić nie ŭdałosia», — havorycca ŭ pres-relizie prakuratury.
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam28
Kamientary