Азербайджан назваў дэзынфармацыяй абвінавачанні ў шпіянажы былога кіраўніка нямецкай разведкі
Учора паліцыя Германіі арыштавала былога кіраўніка знешняй разведкі краіны Аўгуста Ханінга.
Азербайджан адказаў на абвінавачанні ў найманні былога кіраўніка нямецкай разведкі для шпіянажу на сваю карысць, назваўшы публікацыі пра гэта «дэзынфармацыйнай аперацыяй», піша Бі-бі-сі.
Рада па медыя і вяшчанні Азербайджана назвала дэзынфармацыяй згадванне Азербайджана ў расследаванні, звязаным з былым кіраўніком Федэральнай разведвальнай службы Германіі (BND) Аўгустам Ханінгам.
«Мэтай сіл, якія стаяць за гэтай дэзынфармацыйнай аперацыяй, з'яўляецца нанясенне шкоды азербайджана-германскім адносінам», — гаворыцца ў іх заяве.
6 кастрычніка паліцыя Германіі арыштавала былога кіраўніка знешняй разведкі краіны Аўгуста Ханінга і былога кіраўніка яго апарату Манфрэда Д. па падазрэнні ў шпіянажы і спробе дзяржаўнай здрады.
Паводле звестак пракуратуры, Манфрэд Д. перадаваў Ханінгу канфідэнцыйную інфармацыю, якую той затым выкарыстоўваў у сваёй працы ў якасці кансультанта, у тым ліку для супрацоўнікаў замежных разведак.
Пазней у той жа дзень нямецкае выданне Spiegel напісала, што, паводле яго крыніц, меркаваным заказчыкам Ханінга быў супрацоўнік азербайджанскай разведкі.
Следства не называе канкрэтную краіну, але, паводле яго звестак, Ханінг атрымаў ад Манфрэда каля 2 тысяч дакументаў для сваіх аналітычных запісак, якія ён пісаў для замежнай спецслужбы. Не ўсе, але многія з іх былі сакрэтнымі.
«Ці ўдалося перадаць гэтыя матэрыялы адрасату, пакуль высветліць не ўдалося», — гаворыцца ў прэс-рэлізе пракуратуры.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары