Аляксандра Таратуту, якога тры гады таму асудзілі за забойства трохгадовага сына, расстралялі
Расстрэл, імаверна, адбыўся два гады таму.
Жыхара Слуцка Аляксандра Таратуту пакаралі смерцю два гады таму за забойства трохгадовага сына. Гэта адбылося згодна з прыгаворам суда 9 кастрычніка 2024 года, паведаміў падчас слуханняў у Каардынацыйнай радзе каардынатар кампаніі «Праваабаронцы супраць смяротнага пакарання ў Беларусі» Андрэй Палуда, паведамляе «Позірк».
Слуханні прайшлі ў анлайн-фармаце 6 кастрычніка, яны былі прысвечаныя смяротнаму пакаранню Беларусі.
Калегія крымінальных спраў Вярхоўнага Суда 9 студзеня 2024 года пакінула ў сіле смяротны прысуд за забойства трохгадовага сына Таратуту і маці дзіцяці Анастасіі Таратуце (асуджаная на максімальны тэрмін пазбаўлення волі — 25 гадоў ва ўмовах строгага рэжыму). Генеральная пракуратура паведаміла тады, што прысуд уступіў у сілу.
Імаверна, гэта апошні выпадак выканання смяротнага прысуду ў Беларусі.
Трагедыя ў Слуцкім раёне здарылася ўночы 14 студзеня 2023 года.
Маленькага Сямёна штотыдзень сістэматычна рукамі, нагамі, «неўстаноўленым тупым прадметам» збівалі бацькі ў стане алкагольнага ап'янення на глебе асабістых непрыязных адносін да сына. Хлопчык спаў на кухні, проста на лінолеуме.
Маці рэгулярна здзекавалася з дзіцяці, прывязвала да ложка, дражніла знясіленага хлопчыка ежай і здымала гэта на відэа.
У выніку аднаго такога збівання хлопчык памёр ад чэрапна-мазгавой траўмы.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў99
Каментары