Беларусцы ў краме адмовіліся распалавініць кавалак мяса. Ці законна гэта?
Беларуска не змагла набыць у краме каля 500 грамаў свініны. Прадавачка адмовілася адрэзаць ёй патрэбную колькасць ад кавалка вагой прыкладна 800—1000 грамаў. Яна патлумачыла гэта тым, што рэшту вагой 300—400 грамаў потым нібыта будзе складана прадаць, піша «Мінская праўда».
Юрысты тлумачаць, што ў такой сітуацыі краме нельга самастойна вызначаць падобныя абмежаванні.
Калі тавар прадаецца на вагу, то-бок прадавец адпускае яго праз прылавак пасля ўзважвання, а на цэнніку пазначаная цана за кілаграм, то пакупнік мае права набыць менавіта тую колькасць, якую ён хоча.
Адвакатка Наталля Сінкевіч адзначыла, што ў такім выпадку дамова рознічнай куплі-продажу з’яўляецца публічнай.
Калі ў крамы ёсць магчымасць прадаць неабходны тавар, прадавец не мае права адмаўляцца ад яго продажу купцу.
Права спажыўца на свабодны выбар тавараў замацавана артыкулам 5 закона Беларусі «Аб абароне правоў спажыўцоў». За парушэнне патрабаванняў гэтага закона прадугледжаная адміністрацыйная адказнасць.
Юрыстка таксама падкрэсліла, што спасылкі прадаўца на ўнутраныя дакументы крамы не могуць апраўдаць адмову ў продажы. Такія дакументы не павінны супярэчыць дзейнаму заканадаўству.
Іншая сітуацыя ўзнікае, калі тавар ужо загадзя расфасаваны і на ўпакоўцы пазначаны яго фактычны кошт з улікам вагі. У такім выпадку прадавец мае права, але ўжо не абавязаны, адкрыць упакоўку і адрэзаць купцу патрэбную яму колькасць.
«Няхай за захоўванне прадуктаў плацяць крамы». Беларусы расказалі, на чым і як ашчаджаюць
На «Зубр-фэсце» ў Белавежскай пушчы блогераў і артыстаў адкормлівалі зубрацінай
Пюрэ, мяса па-французску і вішня ў двары. Арына Сабаленка паказала сямейнае застолле ў бабулі ў Беларусі
Якое малако лепшае: каровіна, соевае, аўсянае, міндальнае, рысавае? А можа, какосавае?
Герой Беларусі Марына Васілеўская нарадзіла дачку ад касманаўта Алега Навіцкага16
Каментары