У Беларусі можна зрабіць бясплатную ацэнку кватэры праз анлайн-сэрвіс
У Беларусі можна бясплатна праз інтэрнэт ацаніць рынкавы кошт кватэры. Пра гэта паведамілі ў Дзяржаўным камітэце па маёмасці.
Для гэтага выкарыстоўваецца анлайн-калькулятар Нацыянальнага кадастравага агенцтва. Ён за некалькі секундаў разлічвае арыенціровачны рынкавы кошт кватэр у Мінску і абласных цэнтрах. Для ацэнкі трэба ўвесці адрас жылля, колькасць пакояў, плошчу і тып аздаблення.
Пры разліку сэрвіс выкарыстоўвае даныя больш чым пра 175 тысяч рэальных здзелак з кватэрамі, сабраных у рэестры цэн з 2018 года. Мадэль улічвае больш за 15 фактараў, сярод якіх месцазнаходжанне кватэры, паверх, матэрыял сцен, год уводу дома ў эксплуатацыю, даступнасць грамадскага транспарту і метро, мікрараён і іншыя характарыстыкі.
Паводле інфармацыі Дзяржкаммаёмасці, хібнасць аўтаматычнай ацэнкі складае каля 5—7%. Сярэдняя абсалютная працэнтная памылка дасягае 5,59% для Мінска і 6,53% для абласных цэнтраў. Мадэль навучаная на даных рэальных здзелак і пратэставаная ў адпаведнасці з міжнароднымі стандартамі ацэнкі.
Каб атрымаць як мага больш дакладны вынік, неабходна пазначаць рэальныя характарыстыкі кватэры. Сэрвіс дазваляе рабіць да 10 запытаў у дзень.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары