Герой Беларусі Марына Васілеўская нарадзіла дачку ад касманаўта Алега Навіцкага
Незвычайная сям'я — абое бацькоў пабывалі ў космасе.
Першая беларуская касмічная турыстка Марына Васілеўская, якая летась таемна пабралася шлюбам з касманаўтам Алегам Навіцкім, сёлета стала маці.
Марына Васілеўская ў пачатку 2026 года раптам знікла. Сёлета нават на мерапрыемствы, прысвечаныя Дню касманаўтыкі, яе муж Алег Навіцкі прыязджаў адзін. А дзяржаўныя СМІ, калі згадвалі Васілеўскую, выкарыстоўвалі архіўныя фота і відэа.
Яе афіцыйным месцам працы пасля прыгод у космасе стаў Беларускі фонд міру. І па сёння Васілеўская пазначана на яго сайце як намесніца старшыні праўлення. Але і ў іх мерапрыемствах жанчына перастала ўдзельнічаць.
Разгадка такога дзіўнага знікнення даволі празаічная — Васілеўская зацяжарыла.
Цяпер Васілеўская жыве з мужам у Расіі. Як стала вядома, у сярэдзіне ліпеня Марына нарадзіла дзяўчынку. Гэта першае дзіця для яе і трэцяе для Алега Навіцкага.
Навіцкі нарадзіўся ў беларускім Чэрвені, але як пасля школы паступіў у авіяцыйнае вучылішча ў Расіі, так і асеў там. Пасля развалу СССР атрымаў расійскае грамадзянства.
На яго рахунку чатыры палёты ў космас, агулам ён правёў там 545 сутак. Мае званне героя Расіі.
У касманаўта яшчэ дзве дочкі ад першага шлюбу з журналісткай Юліяй Навіцкай. Пара была разам амаль 30 гадоў, Юлія прысвячала каханаму мужу кнігі.
Але скончылася ўсё разводам. Жонка нават сцвярджала, што ў 2022 годзе Навіцкі выгнаў яе з дому зімой пасярод ночы — яна запісала зварот да Пуціна з просьбай абараніць яе ад героя Расіі. Супадзенне ці не, але адбылося гэта падчас прыезду беларускай дэлегацыі (у складзе якой была і будучая касмічная турыстка Васілеўская) у Зорны Гарадок.
«Дайце мне пыласос». Васілеўская ўспомніла, як рабіла ўборку на МКС. І расказала пра сумесную традыцыю з Навіцкім
Выгнаў жонку зімой на вуліцу, забраў малую дачку: дэталі разводу касманаўта Алега Навіцкага, які, здаецца, цяпер ажаніўся з Васілеўскай
Касмічная турыстка Марына Васілеўская выйшла замуж за касманаўта Навіцкага? Яны носяць пярсцёнкі
Судзімасць бацькі, дзівосы з адукацыяй, прагалы ў біяграфіі — таямніцы жыцця першай беларускай касманаўткі
Гераіня Беларусі ці звычайная касмічная турыстка? Нюансы палёту ў космас Марыны Васілеўскай
Герой Беларусі Марына Васілеўская нарадзіла дачку ад касманаўта Алега Навіцкага12
Каментары
Касьмічныя кефіры
Касьмічныя грыбочкі
Касьмічныя дзевачкі