«Украіна дае вам крылы». Ва ўкраінскіх Вайскова-марскіх сілах з'явілася беларуская спецрота
У Вайскова-марскіх сілах Украіны з'явілася новае беларускае падраздзяленне — спецрота беспілотных лятальных апаратаў «Воля». Кіраўнічыя афіцэрскія пасады ўпершыню будуць займаць грамадзяне нашай краіны. Пра гэта выданню «Люстэрка» расказаў выканаўца абавязкаў камандзіра спецроты Мікіта Забуга. Інфармацыю пацвердзілі ў МЗС Украіны.
Спецрота «Воля» ўваходзіць у склад 447‑га асобнага батальёна Вайскова-марскіх сіл Украіны. Паводле слоў Мікіты Забугі (пазыўны Аксон), упор робіцца на працу з ударнымі беспілотнікамі, а таксама на сродкі супрацьпаветранай абароны.
«Мы будуем элітнае падраздзяленне, якое займаецца дып– і мідлстрайкамі, а таксама СПА. Тут атрымліваюць навыкі сучаснай вайны, якая ў першую чаргу заснаваная на ўдзеле аўтаматызаваных сістэм вядзення бою. Сёння гэта вайна дронаў, ракет і артылерыі», — адзначыў камандзір спецроты.
Паводле слоў Забугі, усе кіраўнічыя пасады (афіцэрскія і сяржанцкія) у спецроце будуць займаць беларусы. Ён падкрэслівае, што раней у беларускіх фармаваннях Узброеных сіл Украіны падобнай практыкі не было: пасады афіцэраў беларусы не займалі. Гэты факт «Люстэрку» пацвердзіў і пасол па асобых даручэннях МЗС Украіны Яраслаў Чарнагор.
«Вайскова-марскія сілы Украіны пайшлі на такі эксперымент. Спадзяюся, беларусы змогуць скарыстацца дадзенымі магчымасцямі. Украіна дае вам крылы», — адзначыў украінскі дыпламат.
Дакладную колькасць асабовага складу новай структуры Мікіта Забуга раскрываць не стаў. Аднак ён адзначыў, што камплектаванне працягваецца і рота ўжо прыступіла да выканання задач. Забуга дадае, што кандыдаты ў спецроту праходзяць жорсткі адбор.
«Добраахвотнікаў чакаюць тэставанне на паліграфе, псіхалагічныя праверкі і ацэнка стрэсаўстойлівасці. Мы шукаем не ўсіх — мы шукаем сваіх, хто разумее, што свабода не прыходзіць сама і за яе трэба змагацца», — рэзюмаваў выканаўца абавязкаў камандзіра «Волі».
Кіеў пачаў аддзяляць беларусаў ад Лукашэнкі. Калі гэта зменіць жыццё беларусаў ва Украіне?
«Пытанне справядлівасці». Удава беларускага ваяра змагаецца ва Украіне за выплаты і годнае стаўленне
«Шаўрон можна зняць толькі з майго халоднага цела». Добраахвотнік «Соня» — пра тое, чаму вайна для яго стала надзеяй
Беларуская выстава адкрылася ў адным з найбольшых музеяў Кіева
Цяпер чытаюць
Залішняе будаўніцтва: ці можа любоў беларусаў інвеставаць грошы ў кватэры прывесці да крызісу на рынку нерухомасці?14
Каментары
Былой ваярцы Палка Каліноўскага Вераніцы Яновіч адмовілі ў выплаце апошняга заробку мужа — беларускага добраахвотніка Аляксея Лазарава, які загінуў у студзені 2026 года. Падставай для негатыўнага рашэння стала беларускае грамадзянства дзяўчыны.
А гэта якіе мае адносіны да сфармаванай роты БПЛА? Абы нешта сказаць?
Спадзяваюся, што памыляюся і зараз атрымаецца больш.
[Рэд. Выдалена]
На сайце анкета "далучыцца да роты", дзе збор персанальных даных, а таксама сканаў пашпарта і іншых дакументаў. Дазвол апрацаваць даныя Кіберпартызанам. Дазвол прайсці паліграф (ох).
Доўгая інструкцыя па бяспецы. Згадваецца Партызанскі Тэлеграм ад тых жа Кіберпартызан - на мой погляд, сам тэлеграм даўно не вельмі надзейная платформа, хаця б таму, што бяспека залежыць ад стану аднаго чалавека - Дурава.
У тэлеграм-канале пакуль пуста.
Ці спрацуе ў 2026 г., "пасля ўсяго", электронная вярбоўка, ці знойдуцца людзі, якія рызыкнуць адаслаць усё пра сябе невядомаму кантакту без папярэдняй камунікацыі?
І мяркую, што вось прама заўтра карнікі, калі не спяць, накляпаюць фэйкавых сайтаў, ботаў і анкет. Могуць і паказаць тыпа "затрыманага за анкету".
[Зрэдагавана]