Побач з узбярэжжам Сочы загарэўся нафтавы танкер Aframax Rio, які маніторынгавыя рэсурсы адносяць да «ценявога флоту» Расіі. Паводле іх звестак, судна перавозіла сырую нафту з Новарасійска ў Індыю і было амаль цалкам загружана. Танкер ішоў пад сцягам Ліберыі.
Пры поўнай загрузцы Aframax Rio можа перавозіць прыкладна 700—750 тысяч бараляў нафты, што адпавядае каля 95—105 тысячам тон у залежнасці ад шчыльнасці нафты і фактычнага аб’ёму грузу.
У лютым 2026 года Украіна ўвяла супраць гэтага судна санкцыі з-за падазрэнняў у яго выкарыстанні для абыходу абмежаванняў, уведзеных супраць Расіі.
Расійскія СМІ паведамілі, што капітан танкера папрасіў эвакуяваць 23 члены экіпажа. Інфармацыі пра загінулых або пацярпелых пакуль не было.
Некаторыя мясцовыя каналы сцвярджалі, што перад пачаткам пажару гукаў выбухаў не было. Аднак у сацыяльных сетках з'явіліся паведамленні, што танкер маглі атакаваць безэкіпажныя катэры. Таксама паведамлялася пра выратавальную аперацыю, якая праходзіла ў асабліва небяспечных умовах.
Судна цяпер працягвае гарэць. У цемры відавочцы бачаць успышкі полымя, а пляжы Сочы закрытыя.
Каля Сочы шугануў пажар на судне ВІДЭА
Каля ўзбярэжжа Балгарыі дроны атакавалі два гандлёвыя судны, адно затанула
Расія ўдарыла дронамі па турэцкім судне з кукурузай
Вядучы трэйдар папярэдзіў пра рызыку росту цэн на нафту да $200 за бараль праз недахоп рэзерваў і танкераў
Экспарт нафты з Персідскага заліва аднавіўся амаль да даваеннага ўзроўню
Герой Беларусі Марына Васілеўская нарадзіла дачку ад касманаўта Алега Навіцкага16
Каментары