Больш за палову машын, якія згарэлі сёлета ў Беларусі, не мелі дзейнага тэхагляду
Больш за палову транспартных сродкаў, якія згарэлі ў Беларусі за першыя восем месяцаў 2026 года, не мелі дзейнага дазволу на допуск да ўдзелу ў дарожным руху. Пра гэта паведамілі ў рэспубліканскім унітарным сэрвісным прадпрыемстве «Белтэхагляд».
Паводле звестак Міністэрства па надзвычайных сітуацыях, у студзені—жніўні ў Беларусі адбылося 559 пажараў на транспарце. У параўнанні з такім жа перыядам 2025 года іх колькасць вырасла на 14,5% — з 488 да 559. Найбольшы рост колькасці ўзгаранняў зафіксаваны ў Брэсцкай вобласці — на 35%, і ў Мінску — на 30%.
Большасць пажараў прыпадала на легкавыя аўтамабілі. За восем месяцаў загарэліся 440 легкавых машын, або 78,7% ад агульнай колькасці транспартных пажараў. Сярод іх былі два электрамабілі.
У «Белтэхаглядзе» адзначылі, што асноўнай прычынай узгаранняў становіцца аварыйны рэжым працы электраабсталявання. З гэтай прычыны за названы перыяд адбыліся 434 пажары, што складае 77,6% ад іх агульнай колькасці.
Праведзены аналіз паказаў, што больш за палову транспартных сродкаў, пашкоджаных агнём, не мелі дзейнага дазволу на ўдзел у дарожным руху. У Мінску гэты паказчык склаў 58%, а ў Брэсцкай вобласці — 52%. Многія з такіх аўтамабіляў наогул ніколі не падаваліся на праходжанне дзяржаўнага тэхнічнага агляду.
Для параўнання, толькі ў верасні 2026 года дыягнастычныя станцыі «Белтэхагляду» выдалі 144 044 дазволы на допуск транспартных сродкаў да ўдзелу ў дарожным руху.
«Тут у паловы «карчоў» з Брэста дзіркі скотчам залепленыя». Што могуць праверыць у аўтамабілі на беларуска-польскай мяжы і калі развернуць?
Кінутыя аўтамабілі будуць прыбіраць з вуліц гарадоў хутчэй
Беларусы цяпер могуць праходзіць тэхагляды ноччу
Запусцілі новы бясплатны сэрвіс для продажу аўтамабіляў
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары