Стала вядомая новая пасада адстаўленага начальніка Маскоўскага РУУСа Мінска
Сяргей Варэйка пайшоў на павышэнне — будзе адказваць за разгоны мітынгаў па ўсёй Беларусі.
46‑гадовы палкоўнік Сяргей Варэйка ўзначаліў галоўнае ўпраўленне аховы правапарадку і прафілактыкі Міністэрства ўнутраных спраў. Днямі ён пакінуў пасаду начальніка Маскоўскага РУУС Мінска.
Упраўленне аховы правапарадку і прафілактыкі кааардынуе дзейнасць інспекцый па справах непаўналетніх, а таксама ўчастковых. Апроч таго, адказвае за масавыя мерапрыемствы.
Пасада начальніка вызвалілася пасля таго, як папярэдняга кіраўніка ўпраўлення Аляксандра Купчэню паставілі на чале Віцебскай абласной міліцыі.
Сяргей Варэйка нарадзіўся ў 1980 годзе ў Клецку. Скончыў Беларускую дзяржаўную акадэмію фізкультуры, пасля чаго вучыўся ў Мінскім вышэйшым каледжы МУС.
У 2004 працаваў у патрульна-паставой службе аховы метро, у 2004‑2008 і 2020‑2025 служыў у Маскоўскім РУУСе Мінска, у 2008‑2012 — у Першамайскім РУУСе, у 2012‑2020 — у Кастрычніцкім РУУСе, у 2020 — у Заводскім РУУСе.
У 2020‑м Варэйка шчыраваў падчас разгону пратэстаў. Тады ён быў намеснікам начальніка Заводскага РУУС Мінска. «Ён казаў, што калі б яго сын выйшаў на акцыю, то ён бы яго таксама збіў. А мы нічога не вартыя, мы ніхто і не маем правоў», — расказвалі студэнткі факультэта міжнародных эканамічных адносін БДЭУ, з якімі пасля жорсткага затрымання праводзіў «размову» Варэйка.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары