Stała viadomaja novaja pasada adstaŭlenaha načalnika Maskoŭskaha RUUSa Minska
Siarhiej Varejka pajšoŭ na pavyšeńnie — budzie adkazvać za razhony mitynhaŭ pa ŭsioj Biełarusi.
46‑hadovy pałkoŭnik Siarhiej Varejka ŭznačaliŭ hałoŭnaje ŭpraŭleńnie achovy pravaparadku i prafiłaktyki Ministerstva ŭnutranych spraŭ. Dniami jon pakinuŭ pasadu načalnika Maskoŭskaha RUUS Minska.
Upraŭleńnie achovy pravaparadku i prafiłaktyki kaaardynuje dziejnaść inśpiekcyj pa spravach niepaŭnaletnich, a taksama ŭčastkovych. Aproč taho, adkazvaje za masavyja mierapryjemstvy.
Pasada načalnika vyzvaliłasia paśla taho, jak papiaredniaha kiraŭnika ŭpraŭleńnia Alaksandra Kupčeniu pastavili na čale Viciebskaj abłasnoj milicyi.
Siarhiej Varejka naradziŭsia ŭ 1980 hodzie ŭ Klecku. Skončyŭ Biełaruskuju dziaržaŭnuju akademiju fizkultury, paśla čaho vučyŭsia ŭ Minskim vyšejšym kaledžy MUS.
U 2004 pracavaŭ u patrulna-pastavoj słužbie achovy mietro, u 2004‑2008 i 2020‑2025 słužyŭ u Maskoŭskim RUUSie Minska, u 2008‑2012 — u Pieršamajskim RUUSie, u 2012‑2020 — u Kastryčnickim RUUSie, u 2020 — u Zavodskim RUUSie.
U 2020‑m Varejka ščyravaŭ padčas razhonu pratestaŭ. Tady jon byŭ namieśnikam načalnika Zavodskaha RUUS Minska. «Jon kazaŭ, što kali b jaho syn vyjšaŭ na akcyju, to jon by jaho taksama źbiŭ. A my ničoha nie vartyja, my nichto i nie majem pravoŭ», — raskazvali studentki fakulteta mižnarodnych ekanamičnych adnosin BDEU, ź jakimi paśla žorstkaha zatrymańnia pravodziŭ «razmovu» Varejka.
Kamientary