U avijakatastrofie bambardziroŭščyka Tu-95MS u Rasii zahinuli dva padpałkoŭniki i dva majory
Krušeńnie rasijskaha stratehičnaha rakietanosca na Dalokim Uschodzie pryviało da straty vysokapastaŭlenych kamandnych kadraŭ vajenna-pavietranych sił RF. Siarod vaśmi zahinułych identyfikavanyja aficery, adkaznyja za arhanizacyju i naniasieńnie masiravanych udaraŭ pa ŭkrainskaj enierhietyčnaj infrastruktury.
Katastrofa adbyłasia 29 vieraśnia 2026 hoda kala vioski Čyrvonajarava Amurskaj vobłaści. Samalot Tu-95MS naležaŭ da 182‑ha ciažkaha bambardzirovačnaha avijapałka (vajskovaja čaść 75715, avijabaza «Ukrainka»). Pavodle aficyjnaj viersii Minabarony RF, bambardziroŭščyk vykonvaŭ płanavy navučalna-trenirovačny palot biez bojekamplekta, a pryčynaj avaryi staŭ vybuch paliva ŭ pavietry.
Pieršapačatkova rasijskija ŭłady paviedamlali pra šeść achviar, adnak miascovaje vydańnie «Port Amur» udakładniła, što na borcie znachodzilisia dzieviać čałaviek: adzin atrymaŭ ranieńni, a vosiem vajskoŭcaŭ zahinuli.
Jak paviedamlaje vydańnie «Jesprieso» sa spasyłkaj na OSINT-hrupu DUKE BG,
u składzie ekipaža znachodzilisia dva padpałkoŭniki i dva majory. Prynamsi troje ź ich byli naŭprost datyčnyja da mietadyčnaha zabieśpiačeńnia i vykanańnia zahadaŭ pa puskach kryłatych rakiet pa cyvilnych abjektach Ukrainy.
Identyfikacyja zahinułych kamandziraŭ
Pavodle manitorynhavych resursaŭ i bazy źviestak rasśledavalnikaŭ, adnym z zahinułych staŭ 43‑hadovy padpałkoŭnik Fiodar Paŭlukoŭ. Jon zajmaŭ pasadu namieśnika kamandzira 182‑ha pałka pa lotnaj padrychtoŭcy i raniej kamandavaŭ eskadryllaj. Hałoŭnaje ŭpraŭleńnie raźviedki Ukrainy zaniesła Paŭlukova ŭ śpis vajennych złačyncaŭ za asabisty ŭdzieł u arhanizacyi pavietranych atak.
Druhi apaznany aficer — 40‑hadovy major Andrej Łabanaŭ, namieśnik kamandzira avijacyjnaj eskadrylli taho ž pałka. Daśledčyki paćvierdzili jaho asabisty ŭdzieł u bajavych vyletach: u pryvatnaści, 29 maja 2023 hoda jon kiravaŭ Tu-95MS, jaki vypuściŭ šeść kryłatych rakiet pa abjektach krytyčnaj infrastruktury Ukrainy. Trecim fihurantam staŭ 36‑hadovy major Andrej Hierasimaŭ, kamandzir eskadrylli 121‑ha pałka z bazy ŭ Enhielsie, jaki taksama ŭdzielničaŭ u naniasieńni masavych udaraŭ pa ŭkrainskaj enierhietycy.
Tolki ź lutaha 2022 hoda pa žnivień 2025 hoda rasijskaja stratehičnaja avijacyja z vykarystańniem samalotaŭ Tu-95MS i Tu-160 zapuściła pa Ukrainie 2354 kryłatyja rakiety typaŭ Ch-101, Ch-555 i Ch-55SM. Aficyjny śpis usich zahinułych na amurskim borcie rasijski bok dahetul publična nie raskryŭ.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary