Aryštavany sienatar Karpicki, hałoŭny doktar Bresckaj abłasnoj balnicy
Prapaŭ taksama namieśnik hałoŭnaha doktara pa chirurhii Andrej Šaściuk.
U Bresckaj abłasnoj kliničnaj balnicy niešta adbyłosia. Pavodle infarmacyi «Našaj Nivy», siłaviki pryjšli da kiraŭnictva.
66‑hadovy hałoŭny doktar Alaksandr Karpicki prapaŭ jašče na minułym tydni.
U miedycynskaj ustanovie paćviardžajuć, što Karpickaha niama na pracoŭnym miescy.
«Najbližejšym časam možacie jaho navat nie nabirać», — kažuć u pryjomnaj, pry hetym pryčynu adsutnaści hałoŭnaha doktara nazvać nie mohuć.
Adnačasova ź im, vyhladaje, byŭ zatrymany i kaleha Andrej Šaściuk. Na pracoŭnym miescy jon taksama adsutničaje.
Pavodle aficyjnaj viersii, «Andrej Michajłavič na balničnym». Ale nieviadoma navat pryblizna, kali jon zmoža znoŭ viarnucca da svaich abaviazkaŭ.
Alaksandr Karpicki — sapraŭdnaja zorka ad miedycyny ŭ Bresckaj vobłaści. Zasłužany lekar Biełarusi, aŭtar 15 vynachodnictvaŭ, hanarovy hramadzianin Bresckaj vobłaści.
Karpicki naradziŭsia ŭ 1960 hodzie ŭ siamji miedykaŭ. Skončyŭ Viciebski dziaržaŭny miedycynski instytut. Pracavaŭ chirurham u Kamianieckaj centralnaj rajonnaj balnicy (1985—1987), byŭ małodšym navukovym supracoŭnikam Viciebskaha miedinstytuta (1987-1988). U 1998‑2000 zahadvaŭ adździaleńniem tarakalnaj chirurhii ŭ Viciebskim abłasnym ankałahičnym dyspansiery. Z 2000 — hałoŭny doktar Bresckaj abłasnoj balnicy.
Ličycca, što mienavita pad jaho kiraŭnictvam tut pašyrylisia abjom i dastupnaść małainvaziŭnych i endaskapičnych umiašańniaŭ. Upieršyniu ŭ vobłaści Karpicki sam pravioŭ płastyčnyja apieracyi na stravavodzie z zamiaščeńniem jaho straŭnikam, straŭnikavaj truboj, toŭstaj i tonkaj kiškaj. A ŭ 2014‑m vykanaŭ pieršuju ŭ Biełarusi ałatranspłantacyju lohačnaj arteryi.
Akramia taho, Alaksandr Karpicki źjaŭlajecca členam Savieta Respubliki ad Bresckaj vobłaści. Paśla vybaraŭ 2020 hoda jon trapiŭ u Čornuju knihu Biełarusi za toje, što nie praciahvaŭ kantrakty maładym śpiecyjalistam pa palityčnych matyvach.
Andrej Šaściuk, jak i kaleha, — chirurh, kandydat miedycynskich navuk. Na jaho rachunku — kala 200 apieracyj na hod i šeść patentaŭ.
Aficyjnaha paćviardžeńnia aryštu miedykaŭ pakul niama.
«Naša Niva» — bastyjon biełaruščyny
PADTRYMAĆ
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary
pauki v bankie, banda na bandu,a možiet mołodyje KDB-šniki "rieźviatsia"