Stali viadomyja abstaviny padryvu darohi kala manumienta «Try siastry» na miažy Biełarusi, Rasii i Ukrainy ŭ 2023 hodzie
Padryŭ adbyŭsia na ŭkrainskaj terytoryi, za 75 mietraŭ ad miažy ź Biełaruśsiu.
Novyja abstaviny ŭdałosia ŭstanavić dziakujučy fatahrafijam, jakija apynulisia ŭ rasparadžeńni «Fłahštoka».
Na ich zafiksavanyja padrychtoŭka i sam momant padryvu darohi kala manumienta «Try siastry» na miažy Ukrainy, Biełarusi i Rasii. Fotazdymki pieradaŭ pradstaŭnik ukrainskaha boku ŭ suviazi z publikacyjaj «Fłahštokam» kaśmičnych zdymkaŭ abjektaŭ pamiežža.
Padryŭ adbyŭsia 30 maja 2023 hoda na ŭkrainskaj terytoryi, za 75 mietraŭ ad miažy ź Biełaruśsiu. Rasijskija vajskoŭcy tady ŭzarvali ŭčastak darohi Čarnihaŭ — Bransk. Pra heta paviedamlała ŭkrainskaja Dziaržaŭnaja pamiežnaja słužba, jakaja zafiksavała vybuch u rajonie styku miežaŭ troch dziaržaŭ.
Videazapis vybuchu apublikavali rasijskija Z-vajenkary. Jany śćviardžali, što daroha była źniščana z dapamohaj avijacyjnaj bomby na «tankaniebiaśpiečnym napramku», kab nie dapuścić mahčymaha prasoŭvańnia ŭkrainskich padraździaleńniaŭ u bok Branskaj vobłaści.
Da hetaha času pa apublikavanych kadrach było niemahčyma dakładna ŭstanavić, jakim sposabam byŭ praviedzieny padryŭ.
Fatahrafii, apublikavanyja «Fłahštokam», dazvalajuć udakładnić abstaviny apieracyi. Na zdymkach bačnaja padrychtoŭka darohi da padryvu — pieranos doŭhich ciažkich zaradaŭ z rasijskaha punkta propusku, viartańnie sałdat z ukrainskaj terytoryi i vyniki padryvu.
Vybuchovy zarad byŭ prakładzieny ŭ trubie pad darohaj, paśla čaho adbyŭsia vybuch. U vyniku padryvu ŭtvaryłasia šyrokaja spadzistaja kanava, jakaja naŭrad ci mahła stać surjoznaj pieraškodaj dla husieničnaj techniki.
Padryŭ adbyŭsia praź niekalki dzion paśla rejdu rasijskich dobraachvotnickich farmavańniaŭ u Biełharadskuju vobłaść. Rasijskija ŭłady ŭ toj pieryjad zajaŭlali pra praniknieńnie ŭkrainskich dyviersijnych hrup na svaju terytoryju.
Pry hetym miesca padryvu maje i asobnaje simvaličnaje značeńnie. Manumient «Try siastry» byŭ ustalavany ŭ 1975 hodzie na styku miežaŭ Biełarusi, Rasii i Ukrainy jak simvał «družby narodaŭ». U krasaviku 2019 hoda Biełaruś vydzieliła kala 2 miljonaŭ rubloŭ na ramont manumienta i dobraŭparadkavańnie prylehłaj terytoryi. U pryvatnaści, byli vykładzienyja try darožki z nacyjanalnymi arnamientami Biełarusi, Rasii i Ukrainy.
U krasaviku 2022 hoda, užo paśla pačatku poŭnamaštabnaha ŭvarvańnia Rasii va Ukrainu, tahačasny mer Čarnihava Uładzisłaŭ Atrašenka zajaviŭ pra nieabchodnaść demantavać ukrainskuju častku manumienta paśla rasijskaha ŭvarvańnia z terytoryi Biełarusi.
Paśla zajavy Atrašenki biełaruskaja prapahanda razharnuła suprać jaho kampaniju. Jaho patrabavańnie ab demantažy ŭkrainskaj častki manumienta padavałasia jak čarhovaja ataka na simvał «družby» Biełarusi, Rasii i Ukrainy.
Praz hod paśla hetaj kampanii rasijskija vajskoŭcy sami źniščyli darohu niepasredna kala manumienta — pryčym zrabili heta metanakiravana, zahadzia zakłaŭšy zarad pad darožnym pałatnom.
Razbureńni, jakija ŭ vyniku adbylisia, akazalisia značna bolš realnym udaram pa manumientalnym kompleksie «Try siastry», čym zajavy ŭkrainskaha mera pra demantaž manumienta.
Ciapier čytajuć
Toj samy masažyst raskazaŭ, navošta zdymaŭ hołych klijentak22
Kamientary
Poetomu hroš ciena etoj kučie ciemienta, chorošaja ciel dla ukrainskoho drona.
"Kto usomnitsia v našiem mirolubii, tot umojetsia sobstviennoj krov́ju".