Praz pahrozu dronaŭ pierastaŭ chadzić aŭtobus z Navazybkava ŭ Homiel
30 vieraśnia aŭtobus pa maršrucie Navazybkaŭ — Homiel nie vyjšaŭ u rejs paśla atak bieśpiłotnikaŭ. Aficyjny pieravozčyk, aŭtavakzał Branska, skasavaŭ usie rejsy ŭ Biełaruś, piša Mayday.team.
Unočy 29 vieraśnia mižnarodny aŭtamabilny punkt propusku «Krasny Kamień» byŭ atakavany bieśpiłotnikami i zahareŭsia.
Niahledziačy na admienu aficyjnych rejsaŭ, pa maršrucie nieaficyjna praciahnuli jeździć maršrutki. Pa słovach pasažyraŭ, kiroŭcy vymušanyja pieravyšać chutkaść, kab pasprabavać uchilicca ad bieśpiłotnikaŭ. Jany śćviardžajuć, što dla hetaha časam davodzicca jechać chutčej za 120 km/h.
30 vieraśnia ŭčastak rasijskaj trasy Klincy — Navazybkaŭ u napramku biełaruskaha Dobruša byŭ całkam zakryty. Paviedamlajecca, što ŭzdoŭž darohi prychavana ŭstalavali šmat udarnych FPV-bieśpiłotnikaŭ, jakija znachodziacca ŭ režymie čakańnia da źjaŭleńnia celi. Takija drony mohuć zastavacca ŭ dziažurnym režymie sutkami.
Častku rehularnych mižnarodnych rejsaŭ z Branska ŭ Homiel raniej užo admianiali abo skaračali, adnak aŭtobusnyja złučeńni pamiž rehijonami dahetul całkam nie spynialisia.
Ciahnik, jaki išoŭ z rasijskaj Anapy ŭ Minsk, zatrymaŭsia ŭ darozie praz paškodžańnie ŭkraincami čyhunki na Branščynie
Homielski aŭtapark admianiŭ niadaŭna ŭviedzienyja rejsy ŭ Navazybkaŭ na Branščynie
U Rasii zabłakavali internet-roŭminh dla biełarusaŭ praz strach pierad ukrainskimi dronami. Ci dapamoža?
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary