Homielski aŭtapark admianiŭ niadaŭna ŭviedzienyja rejsy ŭ Navazybkaŭ na Branščynie
Z 12 lipienia aŭtapark № 1 pradpryjemstva «Homielabłaŭtatrans» spyniaje vykanańnie mižnarodnych aŭtobusnych rejsaŭ pa maršrucie Homiel — Navazybkaŭ. Havorka idzie pra rejsy, jakija adpraŭlalisia z Homiela ŭ paniadziełak a 6:30 i ŭ niadzielu ab 11:30. Hety maršrut byŭ adkryty zusim niadaŭna — 10 maja 2026 hoda, paviedamlaje «Fłahštok».
Aficyjna pryčyna admieny rejsaŭ nie nazyvałasia. Adnak, jak paviedamlajecca, u aŭtaparku rastłumačyli, što maršrut byŭ ekanamična niavyhadnym z-za nievialikaj kolkaści pasažyraŭ. Niedastatkovaja zapaŭnialnaść aŭtobusaŭ nie dazvoliła zrabić rejsy rentabielnymi.
Paśla admieny biełaruskaha maršrutu pamiž Homielem i Navazybkavam zastanucca tolki rejsy, jakija vykonvajuć pryvatnyja rasijskija pieravozčyki. Častka aŭtobusaŭ idzie niepasredna ŭ Navazybkaŭ, a inšyja nakiroŭvajucca praz hety horad u Bransk abo Kursk.
Čyhunačnaje złučeńnie pamiž Homielem i Navazybkavam taksama značna abmiežavanyja. Rehijanalnyja ciahniki pa hetym napramku bolš nie kursujuć, a dabracca možna tolki prachadnymi ciahnikami, pry hetym košt kvitkoŭ prykładna ŭdvaja vyšejšy, čym na aŭtobus.
Pavodle danych servisaŭ prodažu kvitkoŭ, popyt na hety maršrut sapraŭdy byŭ nievysoki, ale nie adsutničaŭ całkam. Naprykład, za niekalki hadzin da adpraŭleńnia adnaho z aŭtobusaŭ 10 lipienia było pradadziena kala dvaccaci kvitkoŭ, pry hetym prykładna pałova miescaŭ zastavalisia volnymi.
Varta adznačyć, što apošnim časam u Branskaj vobłaści adbylisia dva incydenty ź biełaruskimi aŭtobusami, jakija, pavodle śćviardžeńniaŭ rasijskaha boku, paciarpieli ŭ vyniku vybuchaŭ bieśpiłotnikaŭ.
«My nieprykmietna». Jak biełarusy ciapier jeduć u Anapu na adpačynak
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury
Pasažyry aŭtobusa Minsk — Anapa, u jaki trapiŭ dron pad Branskam, raskazali, što adbyvałasia
Valfovič nazvaŭ vybuch drona kala aŭtobusa vypadkovym, ale pozna. Prapahanda paśpieła znajści vinavatych i ablić uvieś śviet dziarmom
Va Ukrainie situacyju ź biełaruskim aŭtobusam u Branskaj vobłaści nazvali «śviadomaj pravakacyjaj rasijan»
Ciapier čytajuć
Stała viadoma pra śmierć doŭhažycharki Maryi Kananovič z Vałožynščyny, jakoj pa pašparcie byŭ 121 hod4
Kamientary
— Kto vy takije? K kakoj nacii prinadležitie?
— Chto my? My ruśkija.
— Kakije russkije? Vielikorussy, čto li?
— Da nie, jakija my tam vielikarusy? Nie, my nia moskali.
— Da kto žie nakoniec?
— My — Litva, litviny".
Ja.Stankievič. Jazyk i jazykavieda. Vilnia.
Suviaź z zabranym krajam zhublena.