U hetuju subotu ŭ Minsk viartajecca maštabny hruzinski fiestyval. Jaho nie pravodzili 7 hadoŭ
Fiestyval hruzinskaj kultury prachodziŭ u Minsku kožnuju vosień z 2015 pa 2019 hod.
Tradycyjnaja muzyka, tancy i, viadoma ž, ježa — mienavita takim «Tbilisoba» zapomniłasia žycharam i haściam horada. Praz 7 hadoŭ śviata znoŭ viartajecca ŭ biełaruskuju stalicu, piša Onliner.by.
Maštabnyja hulańni zapłanavanyja na hetuju subotu, 3 kastryčnika.
Praŭda, ciapier u inšaj łakacyi: ź Vierchniaha horada fiestyval pieramiaščajecca na placoŭku kala Pałaca sportu.
«Tbilisoba» — heta śviata, pryśviečanaje zboru ŭradžaju i zakančeńniu siezona asnoŭnych sielskahaspadarčych rabot, a zaadno i samomu horadu Tbilisi. Tam jaho štohod adznačajuć u pieršyja vychodnyja kastryčnika.
Fiestyval pačniecca a 12:00. Śviata padzielena na dźvie častki: spačatku vystupiać pradstaŭniki roznych nacyjanalnych dyjaspar i abjadnańniaŭ, jakija pražyvajuć u Biełarusi. A ŭžo z 14:00 usia ŭvaha budzie zasiarodžanaja na hruzinskaj kultury.
Nie abydziecca biez vystupleńnia hruzinskich tvorčych kalektyvaŭ — arhanizatary abiacajuć i žyvuju muzyku, i pieśni, i tancy. Akramia taho, žadajučych čakajuć kinazona i kulturny lektoryj: raspoviedy pra historyju, tradycyi i haścinnaść Hruzii. Adnoj z važnych tem stanie 1700‑hodździe pryniaćcia chryścijanstva ŭ jakaści dziaržaŭnaj relihii ŭ Hruzii.
Na praciahu ŭsiaho dnia na placoŭcy budzie pracavać kirmaš i fudkort z samymi viadomymi kaŭkazskimi stravami.
Uvachod dla ŭsich haściej svabodny.
Kamientary
Siadzi ŭ svajoj Chajfie i jež svai simity z kunžutam i fałavieli z nutam.