Valfovič nazvaŭ vybuch drona kala aŭtobusa vypadkovym, ale pozna. Prapahanda paśpieła znajści vinavatych i ablić uvieś śviet dziarmom
Łukašenkaŭskaja prapahanda ŭśled za rasijskaj raspaŭsiudziła paviedamleńni pra nibyta «naŭmysny ŭdar USU pa aŭtobusie» jašče da taho, jak źjavilisia choć jakija kampietentnyja acenki.
«Bajeviki USU atakavali aŭtobus na mytnym pierachodzie «Krasny Kamień» u Branskaj vobłaści. Pra heta paviedamlaje krynica «Iźviestij», — takuju infarmacyju dali sotni aficyjnych kanałaŭ biełaruskich uładaŭ.
«Ich dziejańni nakiravanyja vyklučna na toje, kab vyvieści biełarusaŭ sa stanu raŭnavahi, pasiejać varožaść i chaos. (…) Ale my bačym hetyja hulni i nie damo ŭciahnuć siabie ŭ hetaje bałota, ale i daravać nie staniem!».
Tyja samyja tezisy sinchronna ahučyŭ prapahandyst Ryhor Azaronak.
«Jany sprabujuć spravakavać u biełaruskaha naroda paniku, isteryku, pačućcio nieabaronienaści. (…) Kijeŭskamu režymu dazvolili lubyja złačynstvy, lubyja pravakacyi. Zadača-maksimum — uciahnuć Biełaruś u vajnu. Zadača-minimum — pasiejać tut chaos, strach i tryvohu», — zajaviŭ adzin z hałoŭnych prapahandystaŭ režymu.
Svoj kamientar Azaronak apublikavaŭ u telehram-kanale pad podpisam: «Čarhovaja kryvavaja pravakacyja banderaŭcaŭ suprać Biełarusi».
Pra zdareńnie jak pra «ataku bieśpiłotnika» paviedamiŭ i telehram-kanał NEWS.BY, paŭtaryŭšy pry hetym zajavy Śledčaha kamiteta Rasii i pasła Rasii ŭ Biełarusi Barysa Hryzłova.
Pra ataku «dronam USU» paviedamiła i rupar «SB. Biełaruś siehodnia» Ludmiła Hładkaja.
Svaje piać kapiejek ustaviŭ i Aleh Hajdukievič, jaki apublikavaŭ videakamientar z podpisam: «Branskaja vobłaść! Znoŭ akt teraryzmu».
I tolki praź niekalki hadzin hetaha asataniełaha infateraryzmu źjaviłasia aficyjnaja zajava dziaržaŭnaha sakratara Rady biaśpieki Biełarusi Alaksandra Valfoviča.
«Biełaruski aŭtobus nie byŭ vybrany śpiecyjalna jak, skažam tak, cel dla paražeńnia. Heta aŭtobus, jaki vypadkova ruchaŭsia pa terytoryi Branskaj vobłaści, i dron, jaki vypadkova ŭpaŭ na darohu pamiž dźviuma trasami», — skazaŭ Valfovič žurnalistam.
Ni ŭ adnym z praŭładnych telehram-kanałaŭ, jakija pierad hetym raspaŭsiudzili chłuślivuju infarmacyju pra nibyta naŭmysnuju ataku na biełaruski aŭtobus, nie dali ni abviaržeńnia, ni prabačeńnia.
Ciapier čytajuć
Na Alaksandru Hierasimieniu napali ŭ centry Varšavy18
Kamientary
I tiem udivitielen fakt nabludienija nad primatami. Łukašizm nastolko porodnaja hniłaja i pohanaja sistiema,čto popavšije tuda pierieroždajutsia. Stanoviatsia,kak russkije. Kotoryje ukrainciev i biełarusov nie nienavidiat etničieski,na molekularnom,kletočnom urovnie.
A tut eti kołchoznyje suŝiestva nastolko ochołuililiś,čto stali chužie russkich. Čto byvajet očień riedko.
I ja znaju, kak postupiła by Tichanovskaja na miestie Łukašienki, no cienzura na etom sajtie nie propustit