«Heta Pucin!» U Rasii žančyna pabačyła ŭ kaviarni elfa Dobi, pryniała jaho za Pucina i zapatrabavała prybrać «abrazu»
«Voś hetaja pysačka vielmi padobnaja na Pucina. A ŭ jaho siońnia dzień naradžeńnia!»
U Saratavie pažyłaja žančyna aburyłasia hipsavaj hałavoj elfa Dobi ź filmaŭ pra Hary Potera, jakuju pabačyła ŭ vitrynie miascovaj kaviarni. Incydent zdaryŭsia 7 kastryčnika, u dzień 74‑hodździa Uładzimira Pucina.
Na videa, jakoje trapiła ŭ sieciva, žančyna vyklikała supracoŭnicu kaviarni na vulicu i zajaviła, što piersanaž nadta padobny da prezidenta RF:
«Voś hetaja pysačka vielmi padobnaja na Pucina. A ŭ jaho siońnia dzień naradžeńnia! Z čałavieka ŭvohule nielha śmiajacca. Da luboha čałavieka treba stavicca z pavahaj. <…> Jon padobny! Vy sami bačycie heta vydatna. Prajšli vybary. Jon znoŭ abrany na hetuju pasadu. Jon pracuje. Jon vajuje!» — aburałasia žančyna.
Jana pryhraziła paklikać palicyju.
Supracoŭnica kaviarni adkazała, što kali naviedvalnica bačyć u damavym elfie rasijskaha lidara, to heta jana jaho i abražaje. Adnak žančyna praciahvała nastojvać na svaim i paraiła «nie naryvacca» dy pieradać zaŭvahu kiraŭnictvu.
Jak paviedamili žurnalistam ASTRA ŭ kaviarni, hipsavaja hałava Dobi bolš za hod vykarystoŭvałasia jak banka dla čajavych i vydatna ŭpisvałasia ŭ kancepcyju ŭstanovy. Paśla incydentu i pahroz vyklikać siłavikoŭ piersanaža časova prybrali. Na pytańnie pra los Dobi surazmoŭnica ASTRA paviedamiła, što hieroj Hary Potera, jak jon lubiŭ rabić u knihach, źnik:
«Dobi pakul ujechaŭ na PMŽ u inšaje miesca, kab nie traŭmavać ludziam psichiku ŭ suviazi z vosieńskim zavastreńniem <…> Kab demientary nie nalacieli».
Paraŭnańnie Pucina z damavym elfam źjaŭlajecca daŭnim miemam: jašče ŭ 2003 hodzie hrupa rasijskich jurystaŭ źbirałasia padavać u sud na stvaralnikaŭ filma za vonkavaje padabienstva Dobi da prezidenta RF.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
- Hitlera koniečno, tovariŝ Stalin!
- a vi koho imieli v vidu, tovariŝ Bierija???