Dzianis Kurjan praz 27 hadoŭ adšukaŭ ispanskuju siamju, u jakoj haściavaŭ školnikam. Ciapier pryjazdžaje da ich sa svaimi dziećmi
A ispanskija «maci» i «baćka», akazvajecca, bolš za čverć stahodździa zachoŭvali apošni list biełaruskaha školnika.
Biznesmien i televiadučy Dzianis Kurjan padzialiŭsia ŭ instahramie, što niadaŭna haściavaŭ u ispanskaj siamji, da jakoj pryjazdžaŭ na azdaraŭleńnie ŭ školnyja hady. Praŭda, ciapier užo sa svaimi žonkaj i dačkoj — ale «maci» i «baćka» radujucca ŭsim jak rodnym.
Upieršyniu Dzianis pryjechaŭ da Anity i Manoła ŭ 1996 hodzie — tady jamu było ŭsiaho 12 hadoŭ. Zhadvaje, što vielmi ŭsiaho saromieŭsia, bo nikoli raniej nie vyjazdžaŭ za miažu. Jašče i ni słova nie viedaŭ na ispanskaj — ale za miesiac pryjšłosia jaje zasvoić, bo nijakaj inšaj movy nichto ŭ siamji nie viedaŭ.
«Tut ja zrazumieŭ, jak heta, kali biezumoŭna lubiać i prymajuć takim, jaki jość. A jašče šmat ciopłych i emacyjnych znosin», — napisaŭ Dzianis.
U 1998 hodzie siamja znoŭ zaprasiła da siabie biełaruskaha chłopčyka. Niejki čas padtrymlivali suviaź praz zvyčajnuju poštu. Ale ž u vyniku ŭsie nitački abarvalisia.
Praz 27 hadoŭ Dzianis znajšoŭ haścinnych ludziej praź instahram. I tady ž — u 2025 hodzie — adpraviŭsia da ich užo sa svaimi starejšymi dziećmi. Z hetaj nahody ispancy zrabili sapraŭdnaje śviata. Anita prademanstravała škatułku, inkrustavanuju sałomkaj, jakuju biełaruski chłopčyk pryvioz u padarunak kaliści. A ščaślivy biznesmien paŭtaraŭ na starych miescach fota svajho dziacinstva.
Dzianis abiacaŭ, što bolš nikoli nie zhubicca. I sapraŭdy ciapier štohod pryjazdžaje ŭ Ispaniju ŭ hości «na azdaraŭleńnie». Dniami jon pakazvaŭ u storys svaju čarhovuju pajezdku.
Z zamiłavańniem Kurjan čytaŭ apošni list, jaki dasłaŭ siamji pry kancy 90-ch: u im jon pisaŭ pra svaju novuju dziaŭčynu Marharytu, jakaja «vielmi pryhožaja i vielmi padabajecca». Padpisčykam jon pryznaŭsia, što praz stolki hadoŭ sam nie moža zhadać, pra jakuju ž pryhažuniu idzie havorka.
Zrabiŭ repartaž Dzianis i ź lecišča, dzie adpačyvaŭ u dziacinstvie: «Aharod majho ispanskaha taty. Heta churma, tam voś alivački. Tut byŭ vinahrad i chutka budzie fajnaje viniška ŭradžaju 2026 hoda. Łaŭrovy liścik — možna ŭ supčyk. Pamidorki padobnyja da našych. Tolki našy ŭ ciapličcy, a hetyja voś na zahonie. Voś hetyja paletki — heta ŭsio manha, šmat-šmat manha».
Dzianis raspavioŭ, što raniej niejak saromieŭsia ispanskaj tradycyi całavacca trojčy, a ciapier ličyć heta vielmi kranalnym.
«Naša Niva» — bastyjon biełaruščyny
PADTRYMAĆ«A kolki ščaścia ŭ vačach!» Kachno, Hrybalova, Karpanaŭ i inšyja biełaruskija sielebryci adviali dziaciej u škołu FOTY
Viadomaja biełaruskaja biznesvumen — i žonka praŭładnaha błohiera-miljońnika — šukaje arandataraŭ dla svajho katedžu. Košt vaŭ!
Biełaruskaje telebačańnie 90-ch: uzhadvajem jarkija prajekty i papularnych viadučych
Televiadoŭca Dzianis Kurjan u treci raz staŭ baćkam
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki9
Kamientary
I heta nie tradycyja. Raniej nichto nie całavaŭsia.
[Zredahavana]