Viaskoviec z-pad Iŭja paprasiŭ pjanaha siabra-biaspraŭnika sieści za rul. Toj razahnaŭsia da 202 km/h — i zabiŭ haspadara aŭto ab słup
20‑hadovamu kiroŭcu dali piać hadoŭ kałonii.
Sud Iŭjeŭskaha rajona vynies prysud pa spravie pra śmiarotnuju avaryju, paviedamlaje Hrodzienski abłasny sud.
U červieni 2026 hoda 20‑hadovy miascovy žychar piŭ razam ź siabrami. Kala 5‑j ranicy 37‑hadovy haspadar «Chondy», taksama pjany, paprasiŭ jaho sieści za styrno. Paśviedčańnia kiroŭcy ŭ maładziona nie było.
Jany jechali pa darozie ad Iŭja ŭ bok Lipnišak. Kiroŭca razahnaŭ mašynu da 202 km/h, vylecieŭ z darohi i na poŭnaj chutkaści reznuŭsia ŭ aporu linii elektrapieradačy.
Haspadar mašyny siadzieŭ na piarednim pasažyrskim siadzieńni i nie byŭ pryšpileny remieniem biaśpieki. Jon atrymaŭ ciažkija traŭmy i zahinuŭ na miescy.
A kiroŭca vyžyŭ, chaj i zastaŭsia z pałamanaj nahoj.
Sud pryznaŭ kiroŭcu vinavatym pa č. 4 art. 317 KK (parušeńnie pravił darožnaha ruchu ŭ stanie ałkaholnaha apjanieńnia, jakoje pa nieaściarožnaści pryviało da śmierci čałavieka). Jamu pryznačyli piać hadoŭ pazbaŭleńnia voli ŭ kałonii ahulnaha režymu i na 8 hadoŭ zabaranili kiravać transpartnymi srodkami.
Akramia taho, jon pavinien vypłacić siastry zahinułaha 30 000 rubloŭ kampiensacyi maralnaj škody.
Kamientary