Narodnaje apałčeńnie pavinna raźmiaščacca ŭ peŭnych vioskach sielsavieta.
U Biełarusi nieabchodna pašyrać sietku atradaŭ narodnaha apałčeńnia. Pra heta Alaksandr Łukašenka zajaviŭ u Vierchniadźvinskim rajonie padčas naviedvańnia vučebna-trenirovačnych zaniatkaŭ adnaho z takich atradaŭ, piša BiełTA.
Narodnaje apałčeńnie pavinna raźmiaščacca ŭ peŭnych vioskach sielsavieta, adznačyŭ jon.
«U vas adno padraździaleńnie, dobraje padraździaleńnie. Ale hetaha mała. I treba nam pašyracca. Treba niedzie jašče stvarać takija bazavyja atrady. Jany pavinny być źviazanyja pamiž saboj», — skazaŭ jon.
Alaksandr Łukašenka nahadaŭ, što raniej daručyŭ kiraŭniku Biełaruskaha tavarystva palaŭničych i rybałovaŭ Iharu Šunieviču załučać u narodnaje apałčeńnie ludziej, jakija ŭmiejuć abychodzicca sa zbrojaj.
Palityk adznačyŭ, što narodnaje apałčeńnie nieabchodnaje dla taho, kab ludzi ŭ vypadku vajennaha času mahli abaranić siabie, svaju siamju i svoj nasieleny punkt.
«Heta na samym nizavym uzroŭni narodnaje apałčeńnie. Dalej — terytaryjalnaja abarona, abarona infrastrukturnych abjektaŭ. Narodnaje apałčeńnie, terytaryjalnaja abarona, a naviersie — vojska. Naturalna, usia hetaja struktura pad kamandavańniem prezidenta», — zajaviŭ Łukašenka.
Kamientary