Viadomaja biełaruskaja biznesvumen — i žonka praŭładnaha błohiera-miljońnika — šukaje arandataraŭ dla svajho katedžu. Košt vaŭ!
Julija Kabiakova, jakaja ŭ pieršym šlubie była z televiadučym Dzianisam Kurjanam, zdaje svoj šykoŭny katedž u Baraŭlanach za $2500 na miesiac.
Julija Kabiakova niekali była žonkaj viadučaha Dzianisa Kurjana, ale šlub raspaŭsia. A ŭ 2022 hodzie žančyna znoŭ vyjšła zamuž. Jaje abrańnikam staŭ, mabyć, samy papularny praŭładny błohier — Uład Kabiakoŭ, jaki maje 1,4 miljona padpisčykaŭ u instahramie. Na momant viasiella jon mieŭ 3 miljony padpisčykaŭ, ale kancerty ŭ akupavanym Krymie i padtrymka režymu Łukašenki adšturchnuli ad jaho fanataŭ.
Sama ž Julija taksama aktyŭna viadzie błoh u instahramie. Na jaje padpisana bolš za 55 tysiač čałaviek. Žančyna nie biez honaru paznačyła ŭ profili: «Moj muž — kumir vašych dziaciej».
Učora Julija raspaviała ŭ storys, što šukaje novych arandataraŭ dla svajho katedža ŭ Baraŭlanach.
Padpisčyki chvalavalisia, što jana pradała elitnuju nieruchomaść, ale biznes-łedzi rastłumačyła:
— Voś jon moj pryhažun, na miescy, nikudy nie padzieŭsia. Ja jaho zdaju. Tut žyvuć kłasnyja siemji. Ale jakraz ciapier ludzi źjechali, i dom šukaje novych žycharoŭ.
Julija ŭpeŭniena, što bolš za ŭsio dom padydzie siamji ź dziećmi, bo jaho hałoŭnaj višańkaj jana ličyć dziciačy pakoj.
— Areli, vialiki stoł, možna paviesić televizar… Šmat prastory. Pryhadvaju, jak maje dzieci tut čylili — i heta było kruta.
Druhim ulublonym miescam u katedžy biznesvumen nazyvaje kuchniu, dzie moža źbiracca ŭsia siamja. A rełaksiravać joj padabajecca na miakkaj kanapie pobač z kaminam. Kaža, minus tolki adzin: ustavać potym zusim nie chočacca.
U abjavie na sajcie realt.by možna pabačyć, što dom byŭ pabudavany ŭ 2015 hodzie. Ahulnaja płošča — 216 kvadrataŭ. Na pieršym paviersie jość prastornaja haścioŭnia z vychadam na terasu, kuchnia-stałovaja, sanvuzieł, pralny pakoj. Na druhim znachodzicca spalnia haspadaroŭ, vialiki dziciačy pakoj, kabiniet, sanvuzieł, harderobny pakoj.
U katedžy italjanskaja mebla, impartnaja santechnika i bytavaja technika. Ustanoŭlena sistema centralnaha pyłavydaleńnia, ubudavany pyłasos, kandycyjaniery, filtr vady. Pryjemny bonus — ciopłyja padłohi.
Taksama abstalavany ciopły haraž dla dźviuch mašyn.
Płošča ŭčastka — 15 sotak. Adznačana, što terytoryja ŭpryhožana tujami, vykanany łandšaftny dyzajn, prakładziena ściežka zdaroŭja, ustanoŭlena sistema aŭtapalivu.
— Učastak my dahladajem sami. Vam zastajecca tolki pryjechać siudy, raskłaści svaje rečy i atrymlivać asałodu.
Arandavać hety katedž kaštuje $2500 na miesiac.
Ciapier čytajuć
Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom4
Kamientary