Načalniku achovy zdaroŭja Minska biaspłatna zrabili ramont. Vynik — 8 hadoŭ kałonii za chabary
Ambitny i pierśpiektyŭny Ihar Jurkievič byŭ adnym z topavych čynoŭnikaŭ u miedycynskaj śfiery, jaki mieciŭ u ministry.
Jurkievič z 2023 hoda zajmaŭ pasadu staršyni kamiteta pa achovie zdaroŭja Minharvykankama. Dahetul, ź lutaha 2019-ha, jon uznačalvaŭ 6‑iu haradskuju kliničnuju balnicu stalicy.
Čynoŭnika zatrymali ŭ minułym hodzie za chabar.
Ciapier staŭ viadomy prysud. Prakuratura, nie nazyvajučy imia, paviedamlaje, što mužčynu asudzili za toje, što dapamahaŭ kamiercyjnaj kampanii atrymlivać zakazy na abstalavańnie dla miedycynskich ustanoŭ.
Jamu pieradavali hrošy i budmateryjały, a ŭ jaho domie biaspłatna vykonvali ramont.
Jak vyznačyŭ sud, ź lutaha 2024 hoda pa maj 2025‑ha Jurkievič nieadnarazova atrymlivaŭ chabar ad pradstaŭnika kamiercyjnaj kampanii. Pamier chabaru pieravysiŭ 40 tysiač rubloŭ.
Čynoŭnika pryznali vinavatym pa častcy 3 artykuła 430 KK i asudzili na vosiem hadoŭ kałonii ŭzmocnienaha režymu. Jamu taksama pryznačyli štraf u 600 bazavych vieličyń — 27 tysiač rubloŭ.
Akramia taho, jak paviedamlajecca, jaho pazbavili zvańnia majora miedycynskaj słužby zapasu. Prysud moža być abskardžany.
Ihar Jurkievič naradziŭsia ŭ 1976 hodzie ŭ Stolinie, pachodzić ź miedycynskaj dynastyi. Jaho baćka byŭ zahadčykam adździaleńnia ŭ rajonnaj balnicy, maci pracavała tam ža miedsiastroj.
Jurkievič z čyrvonym dypłomam skončyŭ Hrodzienski miedycynski ŭniviersitet, ale raźmierkavaŭsia na małuju radzimu. Paśla niekalkich hadoŭ pracy ŭ Stolinie pierabraŭsia ŭ Minskuju infiekcyjnuju balnicu. U 2009‑2011 Jurkievič byŭ u joj hałoŭnym uračom, paśla čaho pajšoŭ u čynoŭniki.
U 2011‑2014 jon pieršy namieśnik staršyni kamiteta pa achovie zdaroŭja Minharvykankama, u 2014‑2017 — staršynia kamiteta.
U 2017‑2019 Jurkievič byŭ vice-meram Minska, adkazvaŭ za sacyjalnyja pytańni. Jon staraŭsia demanstravać siabie adkrytym čynoŭnikam, kataŭsia z žurnalistami na viełasipiedach. Dyj uvohule pieršaje intervju davaŭ niezaležnym miedyja, za što paśla atrymlivaŭ ad prapahandy. Razam z tym mienavita za podpisam Jurkieviča prychodziŭ adkaz ab tym, što miemaryjalnaja šylda da 100‑hodździa BNR nie budzie ŭstalavanaja.
-
«Byŭ pustelnikam, ale byŭ spakojny». Što viadoma pra piensijaniera, jaki stralaŭ pa milicyi ŭ Astravieckim rajonie
-
U Astravieckim rajonie 65‑hadovy viaskoviec stralaŭ u milicyjanieraŭ. Jaho zabili
-
«Chłuśnia ledź nie kaštavała žyćcia bolš čym 10 vieterynaram». Vietklinika raskazała pra vypadak šalenstva
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im2
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary
vy žartujecie????????????????