Aryštavany čynoŭnik, jaki moh stać nastupnym ministram achovy zdaroŭja
Ambitny i pierśpiektyŭny načalnik kamiteta achovy zdaroŭja Minska Ihar Jurkievič pahareŭ na atrymańni chabaru. Jak stała viadoma «Našaj Nivie», z kanca minułaha pracoŭnaha tydnia jon znachodzicca ŭ SIZA.
Ihar Jurkievič — adzin z topavych čynoŭnikaŭ u miedycynskaj śfiery. Z 2023 hoda jon zajmaŭ pasadu staršyni kamiteta pa achovie zdaroŭja Minharvykankama. Pryčym trapiŭ na hetuju vysokuju pasadu druhi raz — heta vielmi redkaja historyja.
Dalejšaja trajektoryja jaho karjery, u pryncypie, była jasnaja: z pasady načalnika staličnaha kamiteta zdaroŭja nastupnaja łahičnaja prystupka — heta tolki ministr. Rabotniki sistemy i akružeńnie razumieli, kudy miecić Jurkievič, dy i sam jon hetaha nie chavaŭ.
Ihar Jurkievič naradziŭsia ŭ 1976 hodzie ŭ Stolinie, pachodzić ź miedycynskaj dynastyi. Jaho baćka byŭ zahadčykam adździaleńnia ŭ rajonnaj balnicy, maci pracavała tam ža miedsiastroj.
Jurkievič z čyrvonym dypłomam skončyŭ Hrodzienski miedycynski ŭniviersitet, ale raźmierkavaŭsia na małuju radzimu. Paśla niekalkich hadoŭ pracy ŭ Stolinie pierabraŭsia ŭ Minskuju infiekcyjnuju balnicu. U 2009-2011 Jurkievič byŭ u joj hałoŭnym uračom, paśla čaho pajšoŭ u čynoŭniki.
U 2011-2014 jon pieršy namieśnik staršyni kamiteta pa achovie zdaroŭja Minharvykankama, u 2014-2017 — staršynia kamiteta.
U 2017-2019 Jurkievič byŭ vice-meram Minska, adkazvaŭ za sacyjalnyja pytańni. Jon staraŭsia demanstravać siabie adkrytym čynoŭnikam, kataŭsia z žurnalistami na viełasipiedach. Dyj uvohule pieršaje intervju davaŭ niezaležnym miedyja, za što paśla atrymlivaŭ ad prapahandy. Razam z tym mienavita za podpisam Jurkieviča prychodziŭ adkaz ab tym, što miemaryjalnaja šylda da 100-hodździa BNR nie budzie ŭstalavanaja.
U 2019-m Jurkieviča vysłali antykryzisnym mieniedžaram u 6-ju kliničnuju balnicu Minska, dzie jon prasiedzieŭ kiraŭnikom da 2023 hoda.
I ŭžo adtul tryumfalna viarnuŭsia ŭ kiraŭniki kamiteta achovy zdaroŭja Minharvykankama.
U Jurkieviča ŭsio piorła, jaho proźvišča ŭsiu viasnu nie źnikała sa stužki BiełTA: zarobki ŭ staličnaj achovie zdaroŭja za 2024 skłali 110,46% ad uzroŭniu 2023, tempy rostu eksparta miedycynskich pasłuh pieravykanali płan i vyraśli na 109,7%, ukamplektavanaść doktarskich pasad vyrasła da 95% usiaho za hod pracy Jurkieviča na pasadzie, daktary nibyta pierastali zvalniacca, a ŭ 2025-m płanavałasia zdać šeść novych budynkaŭ, u tym liku — čatyry palikliniki.
Ale na minułym tydni niešta zdaryłasia. Jurkievič pierastaŭ źjaŭlacca na rabocie i zachodzić u miesiendžary.
Jak stała viadoma surazmoŭcam «Našaj Nivy», Jurkieviča zatrymali pry atrymańni chabaru. Jon znachodzicca ŭ SIZA.
Pa abvinavačvańni ŭ karupcyi čynoŭniku moža pahražać da 15 hadoŭ źniavoleńnia niezaležna ad taho, jakuju sumu jon atrymaŭ.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy23
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary