Pad Viciebskam vystavili na aŭkcyjon abjekt niezavieršanaha budaŭnictva zavoda pa vytvorčaści paliŭnych draŭnianych hranuł. Da paŭnavartasnaha pradpryjemstva heta budoŭla pakul dalokaja: na ŭčastku płoščaj 13 ha budaŭnictva znachodzicca tolki na pačatkovaj stadyi. Ale za abjekt chočuć atrymać amal 10,6 miljona rubloŭ, piša Office Life.
Uładalnikam abjekta źjaŭlajecca TAA «Akitama». Kampaniju zarehistravali ŭ SEZ «Viciebsk» u 2019 hodzie. Jana płanavała inviestavać u budaŭnictva zavoda pa vypusku paliŭnych hranuł 14 miljonaŭ jeŭra.
75% kampanii naležała zamiežnym inviestaram z «niedružalubnych» dziaržaŭ: 50% — litoŭskaj kampanii «Majtreja», jašče 25% — brytanskaj «Aak Prajm Inviestmients S.A.».
U kancy 2024 hoda Ekanamičny sud Viciebskaj vobłaści nakiravaŭ «Akitamu» ŭ sanacyju terminam na try hady. Na toj momant zapazyčanaść kampanii pieravyšała 44 miljony rubloŭ, pryčym amal pałovu jaje aktyvaŭ składała debitorskaja zapazyčanaść.
Padčas pazapłanavaj pravierki, jakaja prachodziła ŭ 2024—2025 hadach, u kampanii znajšli niedapłatu padatkaŭ, zboraŭ i inšych abaviazkovych płaciažoŭ na sumu bolš za 21 tysiač rubloŭ.
Kantralory taksama vyjavili vypadki prodažu kampanijaj aŭtamabilaŭ fizičnym asobam, u tym liku svaim supracoŭnikam, pa reštkavym košcie. Paśla niekatoryja z hetych aŭtamabilaŭ pierapradavalisia ŭžo ŭ dziasiatki razoŭ daražej.
Ciapier na aŭkcyjon vystavili mienavita toj prajekt, dziela jakoha kampanija i pačynała svaju dziejnaść. Budaŭnictva, adnak, prasunułasia niaznačna: na terytoryi padrychtavali placoŭku, prakłali hruntavuju darohu, praviali sietki vodazabieśpiačeńnia i vodaadviadzieńnia, a taksama elektryčnaść.
Aŭkcyjon pryznačany na 28 vieraśnia. Termin sanacyi TAA «Akitama» zakančvajecca 12 śniežnia 2027 hoda.
U Bychavie pradajuć darohu — prosiać bolš za 100 tysiač rubloŭ
U Tałačynskim rajonie znoŭ vystavili na prodaž siadzibu Ciundziavickich
Pad Hrodnam vystavili na prodaž fiermu šampińjonaŭ
U vioscy na Hrodzienščynie možna kupić pałovu vulicy za 315 rubloŭ
U Minsku vystavili na aŭkcyjon učastak pad skaładrom
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki25
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu1010
Kamientary