Lidarka «Alternatyvy dla Hiermanii» zapatrabavała vysłać ukrainskich mužčyn i vystavić Kijevu rachunak za škodu
Kiraŭnictva niamieckaj apazicyjnaj partyi ahučyła radykalny płan pa skaračeńni mihracyjnaj nahruzki na biudžet krainy. Prapanujecca nie tolki całkam pazbavić biežancaŭ sacyjalnych vypłat, ale i prymusova viarnuć na radzimu hramadzian, jakija padlahajuć mabilizacyi.
Lidarka partyi «Alternatyva dla Hiermanii» (AfD) Alis Vajdel u intervju aŭstryjskamu pravaradykalnamu partału AUF1 zajaviła pra nieabchodnaść poŭnaha pierahladu adnosin z Ukrainaj. Palityk naŭprost abviaściła namier spynić finansavańnie Kijeva i spahnać ź jaho hrošy.
«My spynim vypłaty Ukrainie i ŭsialakuju padtrymku vajny, a taksama vystavim istotnyja patrabavańni ab kampiensacyi škody ŭ adras Ukrainy», — padkreśliła Vajdel.
Asobnaj krytycy padvierhłasia sacyjalnaja sistema Hiermanii. Na dumku lidarki AfD, niamieckaja ekanomika bolš nie zdolnaja vytrymlivać utrymańnie mihrantaŭ, tamu ŭsie prahramy dapamohi pavinny być zhornutyja.
«Bolš za miljon ukraincaŭ u Hiermanii atrymlivajuć sacyjalnyja dapamohi. Heta nasamreč niejmavierna. Hetyja ŭkraincy taksama pavinny viarnucca», — zajaviła palityk.
Hałoŭny akcent Vajdel zrabiła na nieabchodnaści departacyi kankretnaj hrupy — hramadzian, jakija chavajucca ad pryzyvu ŭ krainach Jeŭrasajuza. Pavodle jaje acenak, havorka idzie pra maštabnuju vysyłku:
«Asabliva maładyja ŭkrainskija mužčyny pryzyŭnoha ŭzrostu — my havorym pra ličby, jakija vymiarajucca sotniami tysiač — hetyja maładyja ludzi pavinny viarnucca».
-
U Hiermanii pačaŭsia sud nad ukraincam, jakoha abvinavačvajuć u padryvie «Paŭnočnaha patoku»
-
Inžynier OpenAI staviŭ žučki ŭ ofisie kampanii. Jaho zatrymała FBR, ale pakul niajasna, na kaho jon pracavaŭ
-
Novaja pres-sakratarka Trampa praviała pieršy bryfinh — i ŭ Biełym domie ŭžo sumniavajucca, ci doŭha jana pratrymajecca
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary