«Pakoj mańjaka»: Anatol Vaserman pakazaŭ svoj kabiniet z kalekcyjaj eratyčnych kalendaroŭ i porna
Deputat Dziarždumy Rasii, były znatok Anatol Vaserman puściŭ da siabie ŭ hości žurnalistku Ksieniju Sabčak. Kvatera akazałasia zapoŭnienaja roznymi pradmietami: stosy knih, makiety zbroi, partrety Pucina i Stalina. Adnak sapraŭdny šok vyklikaŭ pracoŭny kabiniet Vasermana.
Anatola Vasermana šmat chto pamiataje pa intelektualnych telehulniach «Što? Dzie? Kali?» i «Svaja hulnia», a paśla — pa addanaj padtrymcy Pucina. Padčas intervju Ksienija Sabčak pryjšła da jaho ŭ kvateru.
Pieršaje, što kinułasia ŭ vočy Ksienii Sabčak, heta stan žytła. Vielizarny pakoj zavaleny rečami: na padłozie stosy knih, dziasiatki kopij zbroi, niekalki starych ofisnych kresłaŭ, a ŭzdoŭž ścien — knižnyja šafy pad samuju stol.
«U vas tut takaja pryhažość, čyścinia, prosta minimalizm», — ź ironijaj zaŭvažyła Sabčak i tut ža pacikaviłasia: — A vy realna voś tak žyviacie ci heta ŭsio ž taki niejki skład?»
«I žyvu, i skład. U pryvatnaści, tut zaŭsiody nazapašvajecca vielmi šmat usialakaj drobiazi», — adkazaŭ Vaserman.
Pucin, Stalin, kot i Kałašnikaŭ
U pakoi — partrety Pucina i Stalina.
«Chto dla vas usio ž taki važniejšy, Anatol Alaksandravič?» — pacikaviłasia Sabčak.
«Dy abodva. Kožny ź ich rabiŭ najlepšaje z taho, što dazvalali jamu abstaviny», — zajaviŭ deputat.
Dalej Sabčak źviarnuła ŭvahu na karcinu Nikasa Safronava, dzie Vaserman adlustravany ŭ vobrazie kata, i makiet aŭtamata Kałašnikava pobač.
«Vy ž razumiejecie, što heta absalutna miemnaja ściana. U vas tut Pucin, Stalin, kot i Kałašnikaŭ. Takoje nie prydumaješ ni ŭ jakim tryźnieńni pry tempieratury sorak», — prakamientavała Sabčak.
«Tut nie tolki Kałašnikaŭ, tut šmat usiakich kopij zbroi. Bajavoj nie trymaju, bo naš zakon dazvalaje ŭzbrojvacca tolki złačyncam», — adkazaŭ Vaserman.
Na pytańnie, ci nasiŭ by jon zbroju pry sabie, kali b heta było lehalna, jak u Techasie, deputat adkazaŭ:
«Chutčej za ŭsio, chadziŭ by. Ale daviałosia b patracić davoli šmat času na treniroŭki. Nasić zbroju, jakuju nie ŭmieješ užyvać, biessensoŭna».
Pa słovach Vasermana, vajskovaj spravaj jon cikavicca jašče ź dziacinstva, što adlustroŭvajecca nie tolki ŭ makietach zbroi, ale i ŭ vialikaj kolkaści tematyčnych knih u kvatery. Akramia taho, deputat pachvaliŭsia poŭnaj kalekcyjaj madelaŭ savieckich i rasijskich samalotaŭ.
«Navošta vam stolki hołych bab?»
Kali ź vialikaj haścioŭni Sabčak prajšła ŭ kabiniet haspadara, to nie zmahła strymać emocyj:
«Boža moj! My takoje navat pakazać nie zmožam. Heta ž prosta pakoj mańjaka! Nu čamu, Anatol Alaksandravič? Navošta vam stolki hołych bab?»
«Vy ž byvajecie ŭ muziejach, dzie aholenaj natury davoli šmat? Heta znoŭ ža ŭ kalekcyju. Kalekcyj u mianie šmat i roznych», — nie źbiantežyŭsia Vaserman.
Apieratar pakazaŭ palicy z knihami, ščylna zaviešanyja pierakidnymi kalendarami z aholenymi žančynami. Na momant zdymak na ŭsich byŭ adkryty krasavik.
«A navošta, kab jany tak usie visieli? Heta dla padniaćcia tonusu pierad kampjutaram?» — spytała Sabčak.
«Nie. Prosta navošta trymać kalekcyjnyja pradmiety, kali ich nie bačyš?» — adkazaŭ Vaserman z uśmieškaj.
Jon dadaŭ, što byŭ vymušany źniać niekatoryja kalendary, kab jany nie trapili ŭ kadr padčas anłajn-intervju.
Sabčak vyrašyła raspytać haspadara pra jahonyja husty ŭ kino dla darosłych:
«A vy jakoje bolš porna lubicie? Rasijskaje, amierykanskaje, niamieckaje?»
«Nacyjanalnych adroźnieńniaŭ majecca, viadoma, niamała, ale niama takich, što ŭpłyvajuć na ŭsprymańnie», — adkazaŭ Vaserman.
Na pytańnie, ci jość u jaho lubimy styl porna, Vaserman adznačyŭ: «Roznyja jość. I tym cikava, što roznyja».
Kali ž Sabčak pacikaviłasia, ci viedaje jon zorak industryi — naprykład, Roka Sifredzi, znaŭca adrazu pakazaŭ na zabityja dyskami palicy:
«Nu, pamiatajecca, niedzie voś tut u kalekcyi jość navat para dyskaŭ mienavita ź jaho padborkami».
«A Nadziu Skazku viedajecie?» — spytała žurnalistka.
«Čuvać čuŭ, bačyć pakul nie davodziłasia. Ja ž nie śpiecyjalna za hetym haniajusia. Što pad ruku trapić».
«A ci niama tut niejkaj kramoły? U vas tam rasijski ściah z hieorhijeŭskaj stužkaj, a pobač voś takija karcinki», — źjedliva padsumavała Sabčak.
«Ja dumaju, što kamu treba, toj uhledzić kramołu ŭ čym zaŭhodna», — adkazaŭ deputat.
Pra zarok cnatlivaści
Naprykancy razmovy pra porna Sabčak vyrašyła raspytać Vasermana pra jahony znakamity zarok cnatlivaści:
«U vyniku niešta zdaryłasia?»
«Nie. Ja zanadta pavažaju svajo słova, kab jaho parušać», — adkazaŭ Vaserman.
«Nie škadujecie?» — pacikaviłasia Sabčak.
«Škaduju. Škaduju pra svajo junackaje hłupstva, jakoje padšturchnuła mianie da takoha nieabdumanaha ŭčynku. Ale ŭsio, što ja mahu z hetaj nahody zrabić: z taho času ja svaje słovy abdumvaju značna bolš staranna».
Na pytańnie, ci pastaviŭ jon užo kančatkovy kryž na hetaj temie, znatok adkazaŭ, što pačynać u jahonym uzroście ŭžo pozna:
«Zvyčajna ludziam napracavany dośvied dazvalaje kampiensavać niedachop harmonaŭ. Nu a ŭ mianie dośviedu niama, kampiensavać niama čym».
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary