Na dziaržaŭnym telebačańni raskazali pra maštab palityčnych represij u Homieli ciapier
Čarhovy vypusk prapahandysckaha tok-šou homielskaha abłasnoha telebačańnia «Čornaje i biełaje» zapisałi z namieśnikam prakurora Homiela Paŭłam Čyrykavym i pryśviacili temie «ekstremizmu» — hetym paniaćciem dziejnyja ŭłady prykryvajuć palityčnyja represii, piša «Fłahštok».
Realny maštab represij u Biełarusi chavajecca — apošnim časam dziaržaŭnyja krynicy nie nazyvajuć statystyku na hety kont. Ale, jak zaŭvažyła vydańnie, u prahramie prahučała adna ličba: z pačatku 2026 hoda tolki ŭ adnym Homieli «zafiksavana bolš za paŭsotni złačynstvaŭ ekstremisckaj nakiravanaści», zajaviła viadučaja.
Heta aznačaje, što za minułyja dzieviać miesiacaŭ u Homieli było zaviedziena bolš za 50 palityčna matyvavanych kryminalnych spraŭ.
Bolšaść ź ich — za paviedamleńni ŭ sacsietkach, pryčym u zakrytych, u tym liku damavych čatach, dadaŭ prakuror. Jon pryvioŭ prykład — niadaŭna Homielski haradski adździeł Śledčaha kamiteta zavioŭ kryminalnuju spravu:
«Čatyry siabroŭki razmaŭlali pamiž saboj u stvoranym imi čacie na praciahu niekalkich hadoŭ i, zakranajučy temy nie tolki z asabistych intaresaŭ, vykazvali abrazy na adras dziejnych kiraŭnikoŭ, u tym liku našaj dziaržavy».
Pavodle jaho słoŭ, prysudy ŭžo vyniesienyja.
Akramia taho, Čyrykaŭ zajaviŭ:
«Štodnia, adkryvajučy zvodki ab pravaparušeńniach, my bačym fakty fiksacyi administracyjnych pravaparušeńniaŭ, ilvinaja dola — ekstremisckaj nakiravanaści».
Miarkujučy z usiaho, havorka idzie pra tak zvanaje «raspaŭsiudžvańnie ekstremisckich materyjałaŭ»: łajki i padpiski na staronki, uniesienyja ŭ «respublikanski śpis ekstremisckich materyjałaŭ».
Čyrykaŭ dadaŭ, što prakuratura štodnia manitoryć internet dla vyjaŭleńnia novych «ekstremisckich materyjałaŭ».
Ciapier čytajuć
Aryštavali pradstaŭnikoŭ kampanii Bayer u Biełarusi11
Aryštavali pradstaŭnikoŭ kampanii Bayer u Biełarusi
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary
što značyć "u tym liku"? to bok najpierš sudziać za t.zv. abrazy ŭmoŭnaha tavaryša pucina, a potym?
- Ty chorošo porabotał, rodnoj, no prišło vriemia rasstavaťsia. Potomu čto jaŝiki s zołotymi ślitkami i čiemodany s pačkami stodołłarovych banknot - eto namnoho boleje poleznyj hruz dla dołhosročnoho putiešiestvija na bližnij vostok, čiem zalapannyj rieprieśsijami prokuror, kotoromu priedstoit otvietiť za vsie staratielno činimoje im biezzakonije. Ostav́ siebie v kačiestvie suvienira prokurorskij łapsierdak i pohony, oni prihodiatsia v kačiestvie poduški na narach. A v ostalnom - vy dieržiś tam i chorošieho vam nastrojenija!