U Japonii kolkaść ludziej, starejšych za 100 hadoŭ, upieršyniu pieravysiła 100 tysiač
U Japonii ŭpieršyniu kolkaść ludziej va ŭzroście 100 hadoŭ i bolš pieravysiła 100 tysiač. Heta adbyłosia na fonie skaračeńnia ahulnaj kolkaści nasielnictva krainy i rekordna nizkaj naradžalnaści, piša CNN.
Pavodle danych Ministerstva achovy zdaroŭja, pracy i dabrabytu Japonii, pa stanie na vierasień 2026 hoda ŭ krainie naličvałasia 107 677 čałaviek va ŭzroście ad 100 hadoŭ. Heta amal na 8 tysiač bolš, čym hodam raniej. Kolkaść doŭhažycharoŭ raście ŭžo 56‑y hod zapar.
Pry hetym 88% japoncaŭ, jakija dasiahnuli 100‑hadovaha ŭzrostu, — žančyny.
«Ja vielmi rady, što tak šmat ludziej zastajucca aktyŭnymi i zdarovymi na praciahu doŭhaha času», — zajaviŭ žurnalistam ministr achovy zdaroŭja Kenjicira Uena.
Japonija stabilna ŭvachodzić u lik krain śvietu z samaj vysokaj praciahłaściu žyćcia. Pavodle danych Suśvietnaha banka, u 2024 hodzie jana ŭ siarednim składała 84 hady. Dla paraŭnańnia, u Biełarusi hety pakazčyk byŭ kala 74,5 hadoŭ, u Polščy — 78, Italii — 84, a Finlandyi — 82 hady.
Navukoŭcy źviazvajuć vysokuju praciahłaść žyćcia japoncaŭ, u pryvatnaści, sa zdarovym charčavańniem i raźvitaj sistemaj achovy zdaroŭja. Pry hetym, niahledziačy na reputacyju Japonii jak krainy z praciahłym pracoŭnym dniom, častka jaje žycharoŭ prytrymlivajecca fiłasofii ikihaj — imknieńnia znachodzić u žyćci sens, metu i radaść.
Pavodle japonskich uładaŭ, siarod samych starych žycharoŭ krainy — 114‑hadovaja Fujo Kišymota z Kijota i 112‑hadovy Chikaru Kato z Kumamota.
Stareńnie nasielnictva stanovicca ŭsio bolšaj prablemaj dla japonskaj ekanomiki. Vydatki na dohlad za pažyłymi ludźmi rastuć, u toj čas jak kolkaść pracazdolnaha nasielnictva skaračajecca.
Ahulnaja kolkaść nasielnictva Japonii, jakaja składaje kala 123 miljonaŭ čałaviek, praciahvaje źmianšacca. Adnačasova ŭzrovień naradžalnaści ŭ krainie apuściŭsia da rekordna nizkaha ŭzroŭniu.
Dla paraŭnańnia, naprykład, u Italii letaś naličvałasia bolš za 23 tysiačy čałaviek va ŭzroście 100 hadoŭ i starejšych pry ahulnaj kolkaści nasielnictva kala 59 miljonaŭ čałaviek.
Kali vašy baćki dažyli da 100 hadoŭ, ci značyć heta, što i vy pražyviacie doŭha? Navukoŭcy dali adkaz
U kryvi japonskich supierdoŭhažycharoŭ znajšli niezvyčajnyja kletki
11 hadzin štotydzień. Navukoŭcy adkryli jašče adzin sakret doŭhažycharoŭ
U Biełarusi žyvuć kala 600 čałaviek, jakim spoŭniłasia 100 hadoŭ
Sakret daŭhalećcia: čamu tak šmat japoncaŭ žyvuć daŭžej za 100 hadoŭ
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary
[Zredahavana]