Daroha dadomu, jakaja pakul viadzie praz front. U Kijeva-Piačerskaj łaŭry pakazvajuć historyju Pałka Kalinoŭskaha
Ideja afarmleńnia ŭźnikła paśla čarhovaha pierajezdu pałkavych składoŭ: rečy jechali ŭ skryniach z adnaho miesca ŭ druhoje, razam ź imi — zdymki i ŭspaminy. Ciapier hetyja skrynki stali častkaj ekspazicyi.
U adnoj kardonnaj skryni — fota ŭkazalnika «Pakroŭsk» z ukrainskim i bieł-čyrvona-biełym ściahami. Na jaje stvorkach — raźbity dom i koła ahladu, jakoje zastyła nad horadam. Na inšaj skryncy — uśmiešlivy bajec u šlemie. Pobač ad ruki napisana jaho imia: «Mołakaŭ Mikoła Mikałajevič». A voś fotazdymak vajara z pazyŭnym «Alhierd», pałkavyja šaŭrony i bieł-čyrvona-bieły ściažok.
Hetyja skrynki ciapier stajać u Vialikaj Łaŭrskaj zvanicy ŭ Kijevie i zachoŭvajuć historyju ludziej, jakija bolš za čatyry hady nie mohuć viarnucca dadomu.
Tak u Kijevie pakazvajuć «Doŭhaje padarožža dadomu» — fotavystavu pra biełaruskich dobraachvotnikaŭ Pałka imia Kastusia Kalinoŭskaha. Ideja afarmleńnia ŭźnikła paśla čarhovaha pierajezdu pałkavych składoŭ: rečy jechali ŭ skryniach z adnaho miesca ŭ druhoje, razam ź imi — zdymki i ŭspaminy. Ciapier hetyja skrynki stali častkaj ekspazicyi.
Na bolš čym 150 zdymkach — bajavaja praca vajaroŭ, treniroŭki, ich pobyt na pazicyjach, asabistyja mini-historyi bajcoŭ Pałka, jakija raskryvajuć ich asoby. Voś vajskovy miedyk sočyć za manitoram u mašynie. Voś bajec siadzić na ziamli pobač z sabakam. Na inšym kadry vajskoviec padnosić da vusnaŭ trubu siarod zimovaha piejzažu. Pobač — dym nad pasiołkam, ahoń i ludzi ŭ akopach. Vystava daje pabačyć tych, čyje tvary zvyčajna chavaje maska, praź ich pracu i karotkija chviliny pamiž joj.
Pa padłozie zały paznačany rehijony, dzie vajavali biełarusy. Maršrut viadzie ad Bučy i Irpienia praź Sievieradanieck, Bachmut i Časaŭ Jar da Charkaŭščyny i Zaparožža. Hladač moža prajści hety maršrut za niekalki chvilin. Ludziam ža na fotazdymkach na jaho spatrebilisia hady i daroha jašče nie skončyłasia.
Rota biełaruskich dobraachvotnikaŭ źjaviłasia va ŭkrainskim vojsku ŭ pačatku sakavika 2022 hoda. Paźniej byŭ sfarmavany bataljon imia Kastusia Kalinoŭskaha, jaki vyras u połk. Dla hetych biełarusaŭ abarona Ukrainy stała taksama baraćboj za mahčymaść adnojčy viarnucca ŭ svabodnuju Biełaruś. Ale hetaje «adnojčy» zaciahnułasia ŭžo na piaty hod.
Historyju pałka sprabujuć zachavać praz zdymki. Letaś u varšaŭskim Muziei Volnaj Biełarusi pakazvali «Praz fotaplonku. Štodzionnaść vajaroŭ» — zdymki bajca Jaŭhiena Žuraŭskaha, «Sałama», pra pobyt i vučobu pamiž bajami. Sioleta vystava «Doŭhaje padarožža dadomu» spačatku prajšła ŭ Zaparožžy, a ciapier pryjechała ŭ Vialikuju Łaŭrskuju zvanicu Kijeva-Piačerskaj łaŭry ŭ Kijeŭ. Film Pałka z kadrami boju u červieni atrymaŭ uznaharodu ŭ konkursie «Vajna ŭ abjektyvie».
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia28
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
Tałantlivyj čiełoviek!