Fatohrafku ź Minska asudzili za «sadziejničańnie ekstremisckaj dziejnaści»
38‑hadovaj Złacie Skobnikavaj dali chatniuju chimiju.
Złata Skobnikava naradziłasia ŭ 1988 hodzie ŭ Minsku. U 2008 hodzie jana skončyła Architekturna-budaŭničy kaledž pa śpiecyjalnaści «technik-architektar» i pracavała ŭ BiełNDIPhoradabudaŭnictva.
Viadoma, što ŭ Złaty jość muž i syn. Paśla vychadu z dekretu žančyna ŭsurjoz zaniałasia fatahrafijaj: prajšła šerah prafiesijnych kursaŭ, zdymała partrety, siemji i viasielli ŭ styli fine art.
Złatu zatrymali sioleta i, miarkujučy pa pierapynku ŭ anłajnie, da suda pratrymali ŭ SIZA kala čatyroch miesiacaŭ.
Skobnikavu sudzili ŭ Minskim haradskim sudzie pa č. 1 i č. 2 art. 361‑4 KK («sadziejničańnie ekstremisckaj dziejnaści»). Dakładnyja akaličnaści kryminalnaj spravy nieviadomyja.
Złacie Skobnikavaj prysudzili chatniuju chimiju.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆU Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru
Redaktarku dziaržaŭnaha vydaviectva asudzili za «sadziejničańnie ekstremisckaj dziejnaści»
25‑hadovaha kaardynatara IT-prajektaŭ pa viartańni z Polščy asudzili za «sadziejničańnie ekstremizmu»
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Hańba hetamu sudzilišču nad čarhovaj hodnaj Biełaruskaj!
Dziakuj, što pišacie. Za ličbami statystyki zaŭsiody schavanyja Asoby, pra jakich varta pamiatać i fiksavać fakty pieraśledu.
Z analizam statystycy pavialičvańnia Śpisu "ekstremistaŭ".
studzień 2026 — 77
luty 2026 — 127
sakavik 2026 — 95
krasavik 2026 — 130
maj 2026 — 72
červień 2026 — 95
lipień 2026 — 66
žnivień 2026, pieršaja pałova — 8
Z čaho byli vysnovy pra źmianšeńnie kolkaści sudoŭ.
Praciah:
žnivień 2026, druhaja pałova — 17 (žnivień 2026, usiaho - 25)
vierasień 2026, pieršaja pałova - 71
Miarkuju, ŭsio ž nie ŭličyli, nie pačuli vidavočnuju viersiju pra letni pieryjad vodpuskaŭ u karnaj sistemie.
I dadatkovaje nazirańnie. Ad tyktok-uvahi, za ŭspyškami navin chavajecca sapraŭdny chod pracesaŭ. Vychvatyvajem cikavaje, frahmienty: "nibyta represii pačali zakončvacca", a praciah užo nibyta nie taki važny, "prosta" viartańnie da ruciny represij.
Dakładny čas zatrymańnia fatohrafki nie ŭkazany, tolki prykładna. Značyć, niedzie ŭ siaredzinie viasny jašče šukali pa "Hajunu".