U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru
Ihar Śvirydzienka šmat hadoŭ kiravaŭ pošukavym rucham i viartaŭ imiony zahinułych sałdat, a jaho žonka Alena ratavała maleńkich pacyjentaŭ u reanimacyi.
Iharu Śvirydzienku 51 hod, jahonaj žoncy Alenie — 53.
Alena doŭhi čas pracavała starejšaj miedycynskaj siastroj u adździaleńni aniestezijałohii i reanimacyi dziciačaj balnicy ŭ Homieli. U siamji jość syn.
Ihar Śvirydzienka z 2017 hoda ŭznačalvaŭ Homielskaje abłasnoje pošukavaje hramadskaje abjadnańnie «Pamiać Ajčyny». Arhanizacyja pravodziła archiŭnyja daśledavańni i palavyja raskopki na miescach bajoŭ Druhoj suśvietnaj vajny, a taksama vyvučała pachavańni achviar stalinskich represij.
Za hady pracy pošukaŭcy znajšli astanki sotniaŭ zahinułych čyrvonaarmiejcaŭ i mirnych hramadzian, adšukvali svajakoŭ źnikłych bieź viestak bajcoŭ i padymali ź ziamli vajskovuju techniku dla muziejaŭ — u tym liku tank T-34 u Vietkaŭskim rajonie. Akramia taho, Śvirydzienka raspracavaŭ prajekt interaktyŭnaha vajenna-histaryčnaha kompleksu-muzieja «Horad».
Cisk na Ihara pačaŭsia ŭ sakaviku 2023 hoda. Tady jaho aryštavali na 10 sutak za «raspaŭsiud ekstremisckich materyjałaŭ», a nieŭzabavie arhanizacyju «Pamiać Ajčyny» likvidavali praz sud. Ułady zajavili, što abjadnańnie nibyta «naniesła istotnuju škodu dziaržaŭnym intaresam» i prapahandavała «antydziaržaŭnyja pohlady».
U sakaviku 2025 hoda Ihara razam z žonkaj zatrymali ŭžo pa kryminalnaj spravie i adpravili ŭ SIZA-3 u Homieli.
Homielski abłasny sud pryznaŭ sužencaŭ vinavatymi pavodle č. 2 art. 361‑4 Kryminalnaha kodeksa (sadziejničańnie ekstremisckaj dziejnaści).
Iharu Śvirydzienku prysudzili kałoniju ci chimiju z nakiravańniem, a jahonaj žoncy Alenie — chatniuju chimiju.
«Naša Niva» — bastyjon biełaruščyny
PADTRYMAĆ25‑hadovaha kaardynatara IT-prajektaŭ pa viartańni z Polščy asudzili za «sadziejničańnie ekstremizmu»
24‑hadovaha chłopca z Asipovičaŭ, jaki chacieŭ uvajści ŭ IT, asudzili pa palityčnym artykule, choć jon ničoha nie zrabiŭ
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary